ଜଳିଗଲା ଏଟିଏମ୍‌ ମେସିନ୍‌, ପୋଡିଗଲା ଟଙ୍କା

ଅନୁଗୋଳ ହନୁମାନ ବଜାରରେ ଥିବା ଏକ ଏଟିଏମ୍‌ରେ ନିଆଁ ଲାଗି ପୋଡିଗଲା ଏଟିଏମ୍‌  ମେସିନ ।

ଅନୁଗୋଳ: ଏଟିଏମ୍‌ରେ ଅଗ୍ନିକାଣ୍ଡ। ଅନୁଗୋଳ ହନୁମାନ ବଜାରରେ ଥିବା ଏକ ଏଟିଏମ୍‌ରେ ଏହି ଅଗ୍ନିକାଣ୍ଡ ହୋଇଛି । ତେବେ ସଟ ସର୍କିଟ ଫଳରେ ଏଟିଏମ୍‌ରେ ନିଆଁ ଲାଗିଥିବା ବୋଲି ଅନୁମାନ କରାଯାଉଛି ।

ତେବେ ଖବର ପାଇ ଘଟଣାସ୍ଥଳରେ ଅଗ୍ନିଶମ ବିଭାଗ ପହଞ୍ଚି ନିଆଁକୁ ଆୟତ୍ତ କରିଛି । ଏଟିଏମ୍‌ ମେସିନଟି ସମ୍ପୂର୍ଣ୍ଣ ଭାବେ ପୋଡି ଯାଇଥିବାରୁ ସେଥିରେ ଥିବା ସମସ୍ତ ଟଙ୍କା ମଧ୍ୟ ପୋଡିଯାଇଥିବା ଅନୁମାନ କରାଯାଉଛି ।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ