ଅନୁଗୋଳ: ଭୟାବହ ଅଗ୍ନିକାଣ୍ଡରେ ଜଳିଯାଇଛି 8 ବଖରା । ଘଟଣାଟି ଅନୁଗୋଳ ବଅଁରପାଳ ବ୍ଳକ ଅନ୍ତର୍ଗତ ବଳରାମପ୍ରସାଦ ପୂର୍ବ ପାଟଣା ସାହିରେ ଘଟିଛି। ଅଗ୍ନିକାଣ୍ଡରେ ଚାରିଟି ପରିବାର ସର୍ବସ୍ବାନ୍ତ ହୋଇଯାଇଛନ୍ତି। ସେମାନେ ହେଲେ ଗାଁର ଚିନ୍ତା ବେହେରା, ବାବାଜୀ ବେହେରା , ଜାନକୀ ବେହେରା ଓ ଭମ୍ବର ବେହେରା। ଏଥିସହ ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇଯାଇଛି ।
ସୂଚନା ଅନୁସାରେ, ଜାନକୀ ବେହେରାଙ୍କର ଝିଅ ବାହାଘର ପାଇଁ ସମସ୍ତ ଜିନିଷ ପତ୍ର ଆଣି ରଖିଥିଲେ । ଏଥିରେ ବାସନ, ଖାଇବା ସାମଗ୍ରୀ, ଲୁଗାପଟା, ସୁନା, ରୂପା, ନଗଦ ପ୍ରାୟ ୩୦ ହଜାର ଟଙ୍କା, ଗ୍ୟାସ୍ ଓ ବିଭାଘର ପାଇଁ କିଣିଥିବା ସବୁ ସାମଗ୍ରୀ ରଖିଥିଲେ। ଯାହା ଅଗ୍ନିକାଣ୍ଡରେ ଜଳିପୋଡି ଛାରଖାର ହୋଇଯାଇଛି ।
ଅଗ୍ନିକାଣ୍ଡରେ ସର୍ବସ୍ବାନ୍ତ 4 ପରିବାର, ପାଉଁଶ ହେଲା ଝିଅ ବିବାହ ପାଇଁ ଆସିଥିବା ଆସବାପତ୍ର