ଅନୁଗୋଳ: ଜିଲ୍ଲା ମୁଖ୍ୟ ଚିକିତ୍ସାଳୟରେ ଦେଖିବାକୁ ମିଳିଛି ଅଭାବନୀୟ ଦୃଶ୍ୟ । ମୃତ ବ୍ୟକ୍ତିଙ୍କୁ ଜୀବିତ ଭାବି ତେଲ ଲଗାଇ ଚିକିତ୍ସା କଲେ ପରିବାର ଲୋକେ । ଶେଷରେ ମୃତକଜଣଙ୍କ ଜୀବିତ ବୋଲି କହିବା ସହ ହସ୍ପିଟାଲରୁ ମୃତଦେହ ଧରି ଘରକୁ ପଳାଇବାକୁ କଲେ ଉଦ୍ୟମ। ଯାହାକୁ ଅଟକାଇବା ପାଇଁ ପୋଲିସ ନାକେଦମ ହୋଇଥିଲା । ଆଜି ଅପରାହ୍ନରେ ଏଭଳି ଏକ ଅଭାବନୀୟ ଦୃଶ୍ୟ ଦେଖିବାକୁ ମିଳିଥିଲା ଅନୁଗୋଳ ଜିଲ୍ଲା ମୁଖ୍ୟ ଚିକିତ୍ସାଳୟର ବର୍ହିଃ ବିଭାଗ ବାହାରେ ।
ମୃତ ବ୍ୟକ୍ତିଙ୍କୁ ଜୀବିତ ଭାବି ଚିକିତ୍ସା କଲେ ସମ୍ପର୍କୀୟ, ବ୍ୟବଚ୍ଛେଦ ପାଇଁ ମୃତଦେହ ନେବାକୁ ନାକେଦମ ହେଲା ପୋଲିସ
ମିଳିଥିବା ସୂଚନା ଅନୁସାରେ, ଢେଙ୍କାନାଳ ଜିଲ୍ଲା ବାଲିମି ଥାନା ବଙ୍ଗିଡ଼ି ଗାଁର ଆଲୋକ ନାଏକ ନାମକ ଜଣେ ଯୁବକ ଆଜି ପୋଖରୀରୁ ପଦ୍ମଫୁଲ ତୋଳିବାବେଳେ ପାଣିରେ ବୁଡି ଯାଇଥିଲେ । ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ଅନୁଗୋଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। କିନ୍ତୁ ଡାକ୍ତରଙ୍କ ମୃତ ଘୋଷଣାକୁ ସହଜରେ ଗ୍ରହଣ କରିପାରି ନଥିଲେ ପରିବାର ଓ ସମ୍ପର୍କୀୟ ।