ଅନୁଗୋଳ: ସହର ମଧ୍ୟ ଭାଗରେ ଥିବା ଐତିହ୍ୟ ସମ୍ପନ୍ନ ନାରଣ ସାଗର ପୋଖରୀ ଏବେ ପ୍ରଦୂଷିତ ହେବାରେ ଲାଗିଛି । ପୋଖରୀ ନିକଟରେ ଦୈନିକ ବହୁ ସଂଖ୍ୟାରେ ଗାଡି ବେଆଇନ ଭାବେ ପାର୍କିଂ କରାଯାଉଛି । ଗାଡିର ଧୂଆଁ ଯୋଗୁଁ ପୋଖରୀ ପାଣି ଦୂଷିତ ହେବାରେ ଲାଗିଛି ।
ବେଆଇନ ପାର୍କିଂ ପାଇଁ ନଷ୍ଟ ହେଉଛି ଐତିହ ପୋଖରୀ
ପାଚେରୀ ଭାଙ୍ଗି ରୁଜି ଯାଇଛି । ପୋଖରୀକୁ ଲାଗି ରହିଥିବା ରାସ୍ତା କାଦୁଅ ପଚପଚ । ସେ ରାସ୍ତା ଦେଇ ଯାତାୟାତ କରିବା କଷ୍ଟକର ହୋଇପଡୁଛି। ପୋଖରୀ ନିକଟରେ ଜଗନ୍ନାଥ ମନ୍ଦିର ଥିବାରୁ ବହୁ ସଂଖ୍ୟାରେ ଲୋକ ଆସୁଛନ୍ତି । ତାଳଚେର ଅନୁଗୋଳ ମେରମୁଣ୍ଡଳୀ ଉନ୍ନୟନ କର୍ତ୍ତୃପକ୍ଷଙ୍କ ଦ୍ବାରା ପୋଖରୀ କୂଳରେ ସୁନ୍ଦର ସିମେଣ୍ଟ ତୋରଣ ଓ ବସିବା ପାଇଁ ମଣ୍ଡପ ନିର୍ମାଣ କରାଯାଇଛି। କିନ୍ତୁ ନାରଣ ସାଗର ପୋଖରୀ ପ୍ରଦୂଷଣ ଯୋଗୁଁ ତାହା କୌଣସି କାମରେ ଆସୁନାହିଁ ।