ଅନୁଗୋଳ: ଶେଷ ହୋଇଛି ଅନୁଗୋଳ ଗଣପର୍ବ ଦେବୀ ଧନଦାତ୍ରୀଙ୍କ ପୂଜା ଉତ୍ସବ । କୋଭିଡ କଟକଣା ମଧ୍ୟରେ ଅନୁଗୋଳବାସୀ ଚଳିତ ଥର ମା'ଙ୍କୁ ଆବାହନ କରିଥିଲେ । ଆଜି ମଧ୍ୟ କଟକଣା ମଧ୍ୟରେ ମା'ଙ୍କୁ ବିଦାୟ ଦେଇଛନ୍ତି ଅନୁଗୋଳବାସୀ । ସକାଳୁ ସବୁ ମଣ୍ଡପରେ ମା'ଙ୍କ ବିସର୍ଜନ ପୂଜା ଓ ପୂର୍ଣ୍ଣାହୁତି ପରେ କେବଳ ଘଣ୍ଟ ଓ ଢୋଲ ବଜାଇ ହାତ ଗଣତି କେତେଜଣ କର୍ମକର୍ତ୍ତାଙ୍କୁ ନେଇ ମା'ଙ୍କୁ ମେଲାଣି ଦିଆଯାଇଛି ।
ଆଜି ମେଲାଣି ନେଉଛନ୍ତି ମା' ଧନଦାତ୍ରୀ, କଟକଣାରେ ହେଉଛି ବିସର୍ଜନ
ମଣ୍ଡପ ଗୁଡ଼ିକରୁ ମେଢ଼ ଗୁଡିକ ବାହାରି ଘଣ୍ଟ ଓ ଢୋଲ ବଜାଇ ସହର ମଧ୍ୟରେ ପରିକ୍ରମା କରିବା ପରେ ନିକଟସ୍ଥ ଜଳାଶୟରେ ମା'ଙ୍କ ମୃଣ୍ମୟୀ ମୁର୍ତ୍ତିକୁ ବିସର୍ଜନ କରିଛନ୍ତି । ତେବେ ପ୍ରଶାସନ ପକ୍ଷରୁ ବିସର୍ଜନ ପାଇଁ ଯେଉଁ ଅସ୍ଥାୟୀ ପୋଖରୀ ନିର୍ମାଣ କରାଯାଇଥିଲା ସେଠାରେ ପାଣି ନଥିବା ନେଇ ଅସନ୍ତୋଷ ଜାହିର କରିଥିଲେ ପୂଜା କମିଟି ସଦସ୍ୟ ।