ଅନୁଗୋଳ: ସମ୍ଭାବ୍ୟ ସାମୁଦ୍ରିକ ବାତ୍ୟା ‘ଫନି’ ପାଇଁ ଅନୁଗୋଳ ଜିଲ୍ଲା ପ୍ରଶାସନପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଶେଷ ହୋଇଛି। ଅନୁଗୋଳ ଜିଲ୍ଲା ପାଇଁ ରେଡ଼ ଆଲର୍ଟ ଜାରି କରାଯାଇଥିବାରୁ ଏଠାରେ ପ୍ରବଳ ବର୍ଷା ଓ ଖୁବ ଜୋରରେ ପବନ ବହିବାର ସମ୍ଭାବନା ରହିଛି। ତେଣୁ ମହାନଦୀ କୂଳରେ ଥିବା ଖାଲୁଆ ଅଞ୍ଚଳ ଥିବା ଟିକରପଡା, ବେହେରାସହି, ଗଇନ୍ଦି ଓ ଆଠମଲ୍ଲିକ ଏନଏସିର 3ଟି ୱାର୍ଡରୁ ପ୍ରାୟ 5ହଜାର ଲୋକଙ୍କୁ ଅନ୍ୟତ୍ର ସ୍ଥାନାନ୍ତର କରାଯିବା ପାଇଁ ବ୍ୟବସ୍ଥା କରାଯାଇଛି।
ଭିଡିଓ ସୌଜନ୍ୟ:ସମ୍ବାଦଦାତା, ଅନୁଗୋଳ
ତେବେ ଏଠାରେ ବାତ୍ୟା ଆଶ୍ରୟ ସ୍ଥଳୀ ନଥିବାରୁ ସ୍କୁଲ ଘର ଗୁଡିକୁ ଆଶ୍ରୟସ୍ଥଳୀ ରୂପେ ବ୍ୟବହାର କରାଯାଇଛି। ଏଥିସହ ଆସନ୍ତା 3ଦିନ ପାଇଁ ରନ୍ଧା ଖାଦ୍ୟର ବ୍ୟବସ୍ଥା କରାଯାଇଛି। ଏହାଛଡା ପ୍ରଶାସନ ତରଫରୁ ପର୍ଯ୍ୟାପ୍ତ ପରିମାଣର ଶୁଖିଲା ଖାଦ୍ୟ, କିରୋସିନୀ, ପଲିଥିନ ମହଜୁଦ ରଖାଯାଇଛି।