ଜଳସେଚନ ପଏଣ୍ଟ କାର୍ଯ୍ୟକାରୀ କରିବାକୁ କଂଗ୍ରେସର ଦାବି

ଜଳସେଚନ ପଏଣ୍ଟ କାର୍ଯ୍ୟକାରୀ କରିବାକୁ କଂଗ୍ରେସର ଦାବି। ଜିଲ୍ଲାପାଳଙ୍କୁ ଦାବିପତ୍ର ପ୍ରଦାନ । ଅଧିକ ପଢନ୍ତୁ...

ଅନୁଗୋଳ: କାମରେ ଲାଗୁନି ଜଳସେଚନ ପଏଣ୍ଟ । ବର୍ଷା ଅଭାଵ ହୋଇ ଥିବା ବେଳେ ଚାଷୀ ତଳି ପକାଇ ପାଣି ପାଇଁ ଚାହିଁ ବସିଛି । ଏଭଳି ସ୍ଥଳେ ଚାଷୀଙ୍କୁ ତୁରନ୍ତ ଜଳସେଚନ ଯୋଗାଇ ଦେବାକୁ ଦାବି କରିଛି କଂଗ୍ରେସ। ଅନୁଗୋଳ ଜିଲ୍ଲାର ବଅଁରପାଳ ବ୍ଲକ ତାଳମୂଳ ଗାଁରେ ଅଚଳ ହୋଇ ପଡିଛି ଉଠା ଜଳସେଚନ ପ୍ରକଳ୍ପ। ଯାହା କାର୍ଯ୍ୟକାରୀ କରିବା ନେଇ ପଦକ୍ଷେପ ନେଉ ନାହିଁ ବିଭାଗ ।

ଯାହାର ପ୍ରତିବାଦରେ ବୁଧବାର ଜିଲ୍ଲା କଂଗ୍ରେସ ପକ୍ଷରୁ ଜିଲ୍ଲାପାଳଙ୍କୁ ଦାବି ପତ୍ର ଦେଇଛି କଂଗ୍ରେସ । ସ୍ଥାନୀୟ ଚାଷୀ ଓ କଂଗ୍ରେସ ନେତା ବିପ୍ଳବ ଜେନା , ସସ୍ମିତା ବେହେରାଙ୍କ ନେତୃତ୍ବ ରେ ଚାଷୀମାନେ ଏହି ଦାବି ପତ୍ର ପ୍ରଦାନ କରିଛନ୍ତି । ତୁରନ୍ତ ତାଙ୍କ ଅଞ୍ଚଳରେ ଥିବା ପ୍ରକଳ୍ପକୁ କାର୍ଯ୍ୟକାରୀ କରିବାକୁ ଦାବି କରିଛନ୍ତି।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ