ଅନୁଗୋଳ: ଜମି ହରାଇଥିବା ଜମିହରାଙ୍କୁ ନିଯୁକ୍ତି ଦେଉନାହିଁ ରାଷ୍ଟ୍ରାୟତଃ ଉଦ୍ୟୋଗ । ଏପରି ଅଭିଯୋଗ ଆଣି ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଆମରଣ ଅନଶନରେ ବସିଲେ ଦୁଇ ଜମିହରା ପରିବାର । ସ୍ଥାନୀୟ ବିଜିଗୋଳ ଓ ଗଦାଶିଲା ଗାଁର ବିନ୍ଦୁସାଗର ପାଣି ଓ ସବିତାରାଣୀ ପ୍ରଧାନଙ୍କ ପରିବାର ଘଟଣାରେ ଜିଲ୍ଲା ପ୍ରଶାସନ ହସ୍ତକ୍ଷେପ ଲୋଡି ଆମରଣ ଅନଶନରେ ବସିଥିବା ଦେଖିବାକୁ ମିଳିଛି ।
ଜମି ହରାଇବା ପରେ ବି ନିଯୁକ୍ତି ଦେଉନି କମ୍ପାନୀ, ଜିଲ୍ଲାପାଳଙ୍କ କାର୍ଯ୍ୟାଳୟ ସାମ୍ନାରେ 2 ପରିବାରର ଆମରଣ ଅନଶନ
ଅନସନକାରୀଙ୍କ ଅଭିଯୋଗ ଅନୁସାରେ, ଦୀର୍ଘ ଦିନ ହେବ ଜିଲ୍ଲାର କଣିହାଁରେ ଥିବା NTPC ପାଇଁ ସେମାନେ ଜମି ହରାଇଛନ୍ତି । କିନ୍ତୁ କମ୍ପାନୀ ସେମାନଙ୍କୁ ଚାକିରୀ ଦେବ ବୋଲି ପ୍ରତିଶ୍ରୁତି ଦେଇଥିଲେ ମଧ୍ୟ ସମୟ ଗଡାଇ ଚାଲିଛି । ନିକଟରେ 17 କ୍ଷତିଗ୍ରସ୍ତ ପରିବାରକୁ ନିଯୁକ୍ତି ଦେବାନେଇ NTPC ପଦକ୍ଷେପ ନେଇଥିବାବେଳେ ଏହି 2 କ୍ଷତିଗ୍ରସ୍ତ ପରିବାରର ନାଁ ତାଲିକାରେ ସାମିଲ କରାଯାଇ ନଥିବା ଅଭିଯୋଗ ହୋଇଛି ।