ଅନୁଗୋଳ: ଏଠି ମାଟି ମା ପାଇଁ ହେଉଛି ଲଢେଇ। ଜମି ହରାଙ୍କୁ ମିଳୁନି ନିଯୁକ୍ତି । ୨୦୦୬ ଜମି ଅଧିଗ୍ରହଣ ଆଇନ କାର୍ଯ୍ୟକାରୀ କରୁନାହାଁନ୍ତି କମ୍ପାନୀ କର୍ତ୍ତୁପକ୍ଷ । ନିର୍ବାଚନ ଜିତିଲେ ଏହି ପ୍ରସଙ୍ଗ ହେବ ମୂଳ ଆଧାର । ଏଭଳି କହିଛନ୍ତି ତାଳଚେର ବିଜେଡ଼ି ବିଧାୟକ ପ୍ରାର୍ଥୀ ବ୍ରଜକିଶୋର ପ୍ରଧାନ ।
ଭିଡିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ଆମ ସ୍ବତନ୍ତ୍ର କାର୍ଯ୍ୟକ୍ରମ 'ପାଞ୍ଚଟି ପ୍ରଶ୍ନ ନେତାଙ୍କୁ' କାର୍ଯ୍ୟକ୍ରମରେ ଅତିଥି ସାଜିଛନ୍ତି ବ୍ରଜକିଶୋର ପ୍ରଧାନ। ଆମ ପ୍ରଶ୍ନରେ ସେ ଉତ୍ତର ରଖି କହିଛନ୍ତି, ତାଳଚେର ଲୋକଙ୍କ ପାଇଁ ନିଜର ଲଢେଇ ଜାରି ରହିବ । ଲୋକେ ତାଙ୍କୁ ଦୁଇ ଥର ଜିତାଇଛନ୍ତି ଏଥର ଜିତାଇଲେ ଅଞ୍ଚଳର ସାମଗ୍ରିକ ବିକାଶ ପାଇଁ ତାଙ୍କର ସଂଗ୍ରାମ ଆହୁରି ଶାଣିତ ହେବ । କୋଇଲାଖଣି ପାଇଁ ଜମି ହରାଇଥିବା ଲୋକେ କିଭଳି ନିଜର ହକ ଓ ନ୍ୟାୟ ପାଇବେ ସେଥିପାଇଁ ସେ ଆହୁରି କାମ କରିବେ ବୋଲି ପ୍ରତିଶୃତି ଦେଇଛନ୍ତି। ଗତବର୍ଷ ମାନଙ୍କରେ ବିକାଶର ଯେଉଁ କାମ ସବୁ ଅଧୁରା ରହିଛି ତାହା ସେ ପୂରଣ କରିବେ ।