ଅନୁଗୋଳ: ସିମକୋଇ ନଦୀରୁ ଯୁବକଙ୍କ ମୃତଦେହ ଉଦ୍ଧାର । ଅନୁଗୋଳ ଜିଲ୍ଲା ଖମାର ଥାନା ଅନ୍ତର୍ଗତ କୁଂଜାମର ତିନି ଦିନ ତଳୁ ନିଖୋଜ ଥିବା 3 ଜଣଙ୍କ ମଧ୍ୟରୁ ଜଣଙ୍କର ମୃତଦେହ ଉଦ୍ଧାର ହୋଇଛି । ଅପହରଣ ପରେ ହତ୍ୟା କରାଯାଇଥିବା ସନ୍ଦେହ କରି ତଦନ୍ତ ଚଳାଇଛି ପୋଲିସ ।
ନଦୀରୁ ଯୁବକଙ୍କ ମୃତଦେହ ଉଦ୍ଧାର
ସୂଚନାଅନୁସାରେ, ତିନି ଦିନ ତଳେ କୁଂଜାମ ଗାଁର 3 ଜଣଙ୍କ ନିଖୋଜ ହୋଇଥିଲେ । ସେମାନଙ୍କ ମଧ୍ୟରୁ ସମକୋଇ ନଦୀରୁ ଜଣଙ୍କର ମୃତଦେହ ଉଦ୍ଧାର ହୋଇଛି । ମୃତକ ଜଣକ କୁଂଜାମ ଗାଁର ମୁଣ୍ଡା ସାହିର ବୁଦ୍ଧୁ ଚାତର ବୋଲି ପୋଲିସ ସୂଚନା ଦେଇଛି। ବୁଦ୍ଧୁ ଛାତରର ସ୍ତ୍ରୀ ମୁନି ଛାତର ଓ ଦେଉଳ ଢିପା ସାହିର ବୁଦ୍ଧିଆ ଗାଗରାଇଙ୍କ ପତ୍ତା ଏ ଯାଏଁ ମିଳି ପାରିନାହିଁ । ଓଡ୍ରାଫ ଟିମ ସମକୋଇ ନଦୀରେ ଖୋଜାଖୋଜି ଜାରି ରଖିଛି ।