ଭରତପୁର କୋଇଲା ଖଣି ଦୁର୍ଘଟଣା: ଘଟଣାସ୍ଥଳ ପରିଦର୍ଶନ କଲେ ସିଏମଡି

ଭରତପୁର କୋଇଲା ଖଣି ଦୁର୍ଘଟଣାରେ ମହାନଦୀ କୋଲଫିଲ୍ଡ ଲିମିଟେଡର ସିଏମଡି ଘଟଣାସ୍ଥଳ ପରିଦର୍ଶନ କରିଛନ୍ତି ।

ଅନୁଗୋଳ: ଭରତପୁର କୋଇଲା ଖଣି ମାଟି ଅତଡା ଖସିବାରେ ଘଟଣାସ୍ଥଳ ପରିଦର୍ଶନ କରିଛନ୍ତି ମହାନଦୀ କୋଲଫିଲ୍ଡ ଲିମିଟେଡର ମୁଖ୍ୟ ପରିଚାଳନା ନିର୍ଦ୍ଦେଶକ ଭୋଳାନାଥ ଶୁକ୍ଳା । ଏହା ସହ କମ୍ପାନୀର ବରିଷ୍ଠ ଅଧିକାରୀଙ୍କ ସହ ଆଲୋଚନା କରିଛନ୍ତି ।

ଦୁର୍ଘଟଣାର କାରଣ ତଥା କେଉଁ ପରିସ୍ଥିତିରେ ମାଟି ଅତଡା ଖସିଲା, ସେ ସଂପର୍କରେ ସିଏମଡି କମ୍ପାନୀର ବରିଷ୍ଠ ଅଧିକାରୀଙ୍କ ସହ ଆଲୋଚନା କରିଛନ୍ତି ।

ଗତ ମଙ୍ଗଳବାର ରାତିରେ ମାଟି ଅତଡା ଖସି 13 ଜଣ ଉଦ୍ଧାର ହୋଇଥିବାବେଳେ ଚାରିଜଣ ନିଖୋଜ ଥିଲେ । ଏବେ ସୁଦ୍ଧା ତିନି ମୃତ ଦେହ ଉଦ୍ଧାର ହୋଇଥିବାବେଳେ ଜଣକୁ ଖୋଜିବା ପାଇଁ ପ୍ରୟାସ ଜାରି ରହିଛି ।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ