ଅନୁଗୋଳ: ନିର୍ବାଚନ ପୂର୍ବରୁ ଲୋକଙ୍କ ମନ ଜିଣିବାକୁ ଲାଗିପଡିଛନ୍ତି ବିଜେପିର ନୂଆ ନେତା ବୈଜୟନ୍ତ ପଣ୍ଡା । ନିଜ ପ୍ରତିଶ୍ରୁତି ପୂରଣ କରିବାକୁ ଶୁକ୍ରବାର ଅନୁଗୋଳ ବନ୍ତଳା ଗାଁ ଆସିଛନ୍ତି ବୈଜୟନ୍ତ । ଏଠାରେ ସେ ନବନିର୍ମିତ ଶିବ ମନ୍ଦିର ପ୍ରତିଷ୍ଠା କରି ପୂଜାରେ ସାମିଲ ହୋଇଛନ୍ତି ।
ଅନୁଗୋଳ ଗସ୍ତ ସମ୍ପର୍କରେ ବୈଜୟନ୍ତ କହିଛନ୍ତି ଯେ, ମନ୍ଦିର ପ୍ରତିଷ୍ଠା କାର୍ଯ୍ୟକ୍ରମକୁ ଆସିବାକୁ ତାଙ୍କୁ ଲୋକେ ଅନୁରୋଧ କରିଥିଲେ । ଏ ନେଇ ସେ ହଁ ମଧ୍ୟ ଭରିଥିଲେ । ଏଣୁ ନିଜ କଥା ରଖିବାକୁ ସେ ଏହି କାର୍ଯ୍ୟକ୍ରମରେ ଯୋଗ ଦେଇଛନ୍ତି ।
ଏହା ପୂର୍ବରୁ ମଧ୍ୟ ସେ 2ଥର ଅନୁଗୋଳ ଗସ୍ତରେ ଆସିଛନ୍ତି । ଏଣୁ ବାରମ୍ବାର ଏଠାକୁ ଆସିବା ନେଇ ରାଜନୈତିକ ଆଭିମୁଖ୍ୟ ରହିଥିବା ଅନୁମାନ କରଯାଉଛି । ‘ବିଜେପି ଏକ ଜାତୀୟ ଓ ବଡ ଦଳ । ଏଥିରେ କିଛି ପ୍ରୋସେସ ମଧ୍ୟ ରହିଛି । ଆଉ ଏଥିରେ ଏବେ ନୂଆ କରି ଯୋଗ ଦେଇଛି । ଏଣୁ ଦଳ ଯାହା ନିଷ୍ପତ୍ତି ନେବ ତାହା ମାନିବି ’ ବୋଲି ମଧ୍ୟ କହିଛନ୍ତି ବୈଜୟନ୍ତ । ଯଦି ତାଙ୍କୁ ଢେଙ୍କାନାଳ ଲୋକସଭାରୁ ପ୍ରାର୍ଥୀ କରାଯାଏ ତେବେ ସେ ସେଥିପାଇଁ ପ୍ରସ୍ତୁତ ବୋଲି ମଧ୍ୟ କହିଛନ୍ତି ।