ଅନୁଗୋଳ: ଚିକିତ୍ସାଧୀନ ଅବସ୍ଥାରେ ଜୀବନ ହାରିଲା ଛୁଆ ହାତୀ । ଦେବଗଡ ଜିଲ୍ଲାରୁ ଅନୁଗୋଳକୁ ପସି ଆସିଥିଲା ଏହି ହାତୀ । ଜିଲ୍ଲାର କଣିହାଁ ରେଞ୍ଜ ବାଳିପସି ଜଙ୍ଗଲରେ ଏହି ପୁରୁଷ ହାତୀର ମୃତ୍ୟୁ ହୋଇଛି ।
ପାଟିରେ ଘାଆ ଯୋଗୁଁ ଅନୁଗୋଳରେ ଛୁଆ ହାତୀର ମୃତ୍ୟୁ
ତେବେ ହାତୀଟିର ବୟସ ପ୍ରାୟ ୫ବର୍ଷ ହେବ ବୋଲି ଅନୁମାନ କରାଯାଉଛି । ଗତ ଦୁଇ ଦିନ ପୂର୍ବେ ଦେବଗଡ ପଟୁ ଏହି ହାତୀଟି ବାଲିପସି ଚାଲି ଆସିଥିଲା । ସେଠାରେ ସେ ଅସୁସ୍ଥ ଥିବା ଜଣା ପଡିବା ପରେ ଅନୁଗୋଳ ଡ଼ିଏଫଓ ଘଟଣାସ୍ଥଳରେ ପହଞ୍ଚି ହାତୀର ଚିକିତ୍ସା କରାଇଥିଲେ । ମାତ୍ର ହାତୀର ପାଟିରେ ଘାଆ ହୋଇ ଯାଇଥିବାରୁ ସେ କିଛି ଖାଇ ନପାରି ଗୋଟିଏ ଜାଗାରେ ପଡି ରହିଥିଲା । ଆଉ ଶେଷରେ ମଙ୍ଗଳବାର ତାର ମୃତ୍ୟୁ ହୋଇଛି ।