ସ୍ଥିତି ମୁକାବିକା ପାଇଁ ତତ୍ପର ପ୍ରଶାସନ: ଅନୁଗୋଳ ଜିଲ୍ଲାପାଳ

ଲ୍ୟାଣ୍ଡଫଲ କରିସାରିଛି ବାତ୍ୟା ଫନି । ତେବେ ଅନୁଗୋଳ ଜିଲ୍ଲାରେ ଯଦିଓ ଏହାର ପ୍ରକୋପ ଏତେଟା ନାହିଁ ତଥାପି ସମାନ୍ୟ ବର୍ଷା ସହ ପବନ ହେଉଛି । ପ୍ରଶାସନ ମଧ୍ୟ ଫନି ମୁକାବିଲା ପାଇଁ ପୁରା ପ୍ରସ୍ତୁତ ରହିଛି ।

ଅନୁଗୋଳ: ଲ୍ୟାଣ୍ଡଫଲ କରିସାରିଛି ବାତ୍ୟା ଫନି । ଏହାର ପ୍ରଭାବ ସାରା ରାଜ୍ୟରେ ଦେଖିବାକୁ ମିଳିଛି । ତେବେ ଅନୁଗୋଳ ଜିଲ୍ଲାରେ ଯଦିଓ ଏହାର ପ୍ରକୋପ ଏତେଟା ନାହିଁ ତଥାପି ସମାନ୍ୟ ବର୍ଷା ସହ ପବନ ହେଉଛି । ପ୍ରଶାସନ ମଧ୍ୟ ଫନି ମୁକାବିଲା ପାଇଁ ପୂରା ପ୍ରସ୍ତୁତ ରହିଛି । କଚ୍ଚା ଘରେ ରହିଥିବା ଲୋକଙ୍କୁ ନିରାପଦ ସ୍ଥାନରେ ସୁରକ୍ଷିତ ରଖାଯାଇଛି ।

ଜିଲ୍ଲାରେ ସବୁ ସେକ୍ଟର ଅଧିକାରୀ ସଜାଗ ରହିଛନ୍ତି । ସମସ୍ତଙ୍କ ଛୁଟି ମଧ୍ୟ ବାତିଲ କରିଦିଆଯାଇଛି । ଅନୁଗୋଳ ଜିଲ୍ଲା ବହୁ ସମୟରେ ରେଡ ଓ ଅରେଞ୍ଜ ଆଲର୍ଟ ମଧ୍ୟ ଦେଇ ଗତି କରିଥିବାରୁ ଜିଲ୍ଲାପାଳ ପୂର୍ବରୁ ପ୍ରସ୍ତୁତି କରିଛନ୍ତି ।

ଆଗକୁ ଯଦି ରାସ୍ତା ସମସ୍ୟା ହୁଏ, କିମ୍ବା ଗଛ ପଡି ରାସ୍ତା ଅବରୋଧ ହୁଏ, ତେବେ ସଙ୍ଗେ ସଙ୍ଗେ ତାହାକୁ ସଫା କରାଯିବାକୁ ଦମକଳ ବିଭାଗର ପୂରା ଟିମ ତତ୍ପର ରହିଛି । ଯେକୌଣସି ପରିସ୍ଥିତି ଆସିଲେ ବି ପ୍ରସାସନ ସଜାଗ ରହିଥିବା ନେଇ ଜିଲ୍ଲାପାଳ କହିଛନ୍ତି ।

ଅନୁଗୋଳରୁ ସଂଗ୍ରାମ ରଞ୍ଜନ ରଥ, ଇଟିଭି