ଅନୁଗୋଳ: ଜିଲ୍ଲାର ପାଲଲହଡା ଥାନା ଅନ୍ତର୍ଗତ 49 ନମ୍ବର ଜାତୀୟ ରାଜପଥ ମୁକ୍ତାପୁର ଗାଁ ନିକଟରେ ଦୁର୍ଘଟଣା । ଟ୍ରକ ସହ ଆମ୍ବୁଲାନ୍ସର ମୁହାଁମୁହିଁ ଧକ୍କା ହେବା ଫଳରେ ଘଟଣାସ୍ଥଳରେ ଆମ୍ବୁଲାନ୍ସ ଡ୍ରାଇଭରଙ୍କର ମୃତ୍ୟୁ ଘଟିଛି । ମୃତ ଡ୍ରାଇଭର ନିମିରିବେଡା ଗାଁର ବେଣୁଧର ବେହେରା ।
ତେବେ 102 ଆମ୍ବୁଲାନ୍ସଟି ପାଲଲହଡା ମେଡିକାଲରୁ ସକାଳ ସମୟରେ ରୋଗୀଙ୍କୁ ଆଣିବା ପାଇଁ ବାହାରି କନ୍ତଳା ଅଭିମୁଖେ ଯାଉଥିଲା। ପାଲଲହଡାରୁ 3 କିମି ଦୂର ମୁକ୍ତାପୁର ଗାଁ ନିକଟରେ ପୂର୍ବରୁ ଠିଆ ହୋଇଥିବା ଏକ ଟ୍ରକ ସହ ମୁହାଁମୁହିଁ ଧକ୍କା ହୋଇଥିଲା । ଫଳରେ ଡ୍ରାଇଭରକୁ ଗୁରୁତର ଅବସ୍ଥାରେ ଗାଁ ଲୋକେ ଉଦ୍ଧାର କରି ପାଲଲହଡା ଡାକ୍ତରଖାନା ପଠାଇଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ଖବରପାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବା ଜଣାପଡିଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ