ଅନୁଗୋଳ :ଅନୁଗୋଳ ଜିଲ୍ଲା କଣିହାଁ ବ୍ଲକ ସରସ୍ବତୀ ଶିଶୁ ବିଦ୍ୟା ମନ୍ଦିର, ଦ୍ବିପଶିଖା ବିଦ୍ୟାଳୟ ପକ୍ଷରୁ ମାଟ୍ରିକ ପରୀକ୍ଷାରେ ସଫଳତା ଅର୍ଜନ କରିଥିବା ଛାତ୍ରଛାତ୍ରୀଙ୍କୁ ସମ୍ବର୍ଦ୍ଧିତ କରାଯାଇଛି । ଏହି ପରିପ୍ରେକ୍ଷୀରେ ଗୁରୁଜୀ, ଗୁରୁମା, ଅଭିଭାବକ ଓ ଛାତ୍ରଛାତ୍ରୀଙ୍କୁ ନେଇ ଏକ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଛି । ସଭାରେ ମୁଖ୍ୟଅତିଥି ଭାବେ କଣିହାଁର ବିଇଓ, ବିଦ୍ୟାଳୟ ଚେୟାରମ୍ୟାନ, ଏନ୍ଟିପିସି ଏଚ୍ଆର୍ ଡିଜିଏମ୍ ଓ ପ୍ରଧାନଶିକ୍ଷକ ସୁଶାନ୍ତ କୁମାର ତ୍ରିପାଠୀ ପ୍ରମୁଖ ଉପସ୍ଥିତ ରହି ୧୨ଜଣ ଛାତ୍ରଛାତ୍ରୀଙ୍କୁ ସମ୍ବର୍ଦ୍ଧିତ କରିଛନ୍ତି ।
ଅନୁଗୋଳର ମେଧାବୀ ଛାତ୍ରୀ ଆଦ୍ୟାଶା ୯୯ ପ୍ରତିଶତ ନମ୍ବର ରଖି ଜିଲ୍ଲା ପାଇଁ ଆଣିଲେ ସୁନାମ
ବିଦ୍ୟାଳୟର ମେଧାବୀ ଛାତ୍ରୀ ସୁଶ୍ରୀ ଆଦ୍ୟାଶା ପ୍ରିୟଦର୍ଶିନୀ ପାଣି ମୋଟ ୫୯୪ନମ୍ବର ରଖି ଜିଲ୍ଲାରେ ଟପ୍ପର ହୋଇଛନ୍ତି । ସେ ୯୯% ପ୍ରତିଶତ ନମ୍ବର ରଖି ସମଗ୍ର ଜିଲ୍ଲାରେ ପ୍ରଥମ ସ୍ଥାନ ଅଧିକାର କରିବାସହ ଓଡ଼ିଶାର ପଞ୍ଚମ ସ୍ଥାନରେ ରହିଛନ୍ତି । ଅନୁଗୋଳର ଜରପଡ଼ା ସ୍ଥିତ ଦୁର୍ଗାପୁରର ଆଦ୍ୟାଶାଙ୍କୁ ନେଇ ଜିଲ୍ଲାବାସୀ ବେଶ୍ ଗର୍ବିତ ।