ରାସ୍ତା କଡରୁ ଅଜଣା ମୃତଦେହ ଉଦ୍ଧାର

ଅନୁଗୋଳ ନାଲକୋ ଥାନା ଅଞ୍ଚଳରୁ ଅଜଣା ମୃତ ଦେହ ଉଦ୍ଧାର। ମୃତଦେହ ନିକଟରୁ ଏକ ବାଇକ ଜବତ କରାଯାଇ ଥିବାବେଳେ ମୃତ୍ୟୁର ସଠିକ କାରଣ ସ୍ପଷ୍ଟ ହୋଇନାହିଁ।

ଅନୁଗୋଳ: ରାସ୍ତା କଡରୁ ଅଜଣା ମୃତଦେହ ଉଦ୍ଧାର । ମୃତଦେହ ନିକଟରୁ ଏକ ଦାମୀ ଗାଡି ପଡିଥିବାର ଦେଖିବାକୁ ମିଳିଛି। ହେଲେ ଏହା ଦୁର୍ଘଟଣା ନା ହତ୍ୟା ତାହା ସ୍ପଷ୍ଟ ହୋଇନାହିଁ। ଏ ଘଟଣା ଘଟିଛି ଅନୁଗୋଳର ନାଲକୋ ଥାନା ଅଞ୍ଚଳରେ।

ମଙ୍ଗଳବାର ସକାଳେ ସେହି ରାସ୍ତା ଦେଇ ଯାଉଥିବା କିଛି ଯୁବକ ମୃତଦେହ ଦେଖି ପ୍ରଥମେ ପୋଲିସକୁ ଜଣାଇଥିଲେ। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଏକ କଳା ରଙ୍ଗର ବାଜାଜ ଆଭେଞ୍ଜର(OD 19 M 2157) ବାଇକକୁ ଜବତ କରିବା ସହ ମୃତଦେହକୁ ଉଦ୍ଧାର କରିଛି।ମୃତକଙ୍କ ପରିଚୟ ମିଳିପାରି ନଥିବାବେଳେ ପୋଲିସ ଏ ଘଟଣାର ତଦନ୍ତ କରୁଛି।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ