ବିବାହ ଭୋଜି ସାରି ଫେରିବାବେଳେ ଦୁର୍ଘଟଣା: 3 ମୃତ, 2 ଗୁରୁତର

ଏକ କାର ଦୁର୍ଘଟଣାରେ 3 ମୃତ । ରାଉରକେଲା ଫେରିବା ବାଟରେ ଦୁର୍ଘଟଣାର ଶିକାର ହୋଇଥିବାବେଳେ କାରଣ ସ୍ପଷ୍ଟ ହୋଇନାହିଁ ।

ଅନୁଗୋଳ: 149ନଂ ଜାତୀୟ ରାଜପଥ ନାଇକା ନାଳିରେ ମର୍ମନ୍ତୁଦ ସଡ଼କ ଦୁର୍ଘଟଣା । ଟ୍ରକ ସହ କାର ଧକ୍କା ହେବା ଫଳରେ ଘଟଣାସ୍ଥଳରେ 3 ଜଣଙ୍କ ମୃତ୍ୟୁ ହୋଇଥିବାବେଳେ 2 ଜଣ ଗୁରୁତର ହୋଇଛନ୍ତି । ବିବାହ ଭୋଜି ଖାଇ ରାଉରକେଲା ଫେରୁଥିବା ବାଟରେ ଦୁର୍ଘଟଣାର ଶିକାର ହୋଇଛନ୍ତି ।

ସମସ୍ତେ ରାଉରକେଲାର ହୋଇଥିବାବେଳେ ମୃତକଙ୍କମାନେ ହେଲେ ଭୂପେଶ ସାହୁ, ଧର୍ନୁଜୟ ନାୟକ, କ୍ରିଷ୍ଣାକୁମାର ସାହୁ । ସାଗର ବାରିକ ଓ ବିକାଶ କୁମାର ମଙ୍ଗରଜ ଆହତ ହୋଇଛନ୍ତି । ସେପଟେ ପୋଲିସ ଘଟଣାସ୍ଥଳରେ ପହଞ୍ଚି ମୃତ ଦେହକୁ ଜବତ କରିବା ସହ ଘଟଣାର ତଦନ୍ତ ଆରମ୍ଭ କରିଛି ।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ