ଅନୁଗୋଳ: ପିକଅପ ଭ୍ୟାନ ସହ ଟ୍ରକ ମୁହାଁମୁହିଁ ଧକ୍କା ହୋଇଛି । ଏଥିରେ ଦୁଇ ଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ଆହତ ହୋଇଛନ୍ତି । ଗୁରୁତରଙ୍କୁ ଉଦ୍ଧାର କରାଯାଇ ମେଡିକାଲରେ ଭର୍ତ୍ତି କରାଯାଇଛି । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଅନୁଗୋଳର ଜରପଡା ଥାନା ଡେରେଙ୍ଗ ଲକ୍ଷ୍ମୀଧରପୁର ନିକଟରେ ଏ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି ।
ପିକଅପ ଭ୍ୟାନ ସହ ଟ୍ରକ ମୁହାଁମୁହିଁ ଧକ୍କା;2ମୃତ, ଜଣେ ଆହତ ସୂଚନା ଅନୁସାରେ, ଲକ୍ଷ୍ମୀଧରପୁର ନିକଟରେ ପରିବା ବୋଝେଇ ପିକଅପ ଭ୍ୟାନସହ ଏକ ଟ୍ରକ ମୁହାଁମୁହିଁ ଧକ୍କା ହୋଇଥିଲା । ଫଳରେ ଭ୍ୟାନରେ ଥିବା ତିନି ଜଣକ ମଧ୍ୟରୁ ଦୁଇ ଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ଆହତ ହୋଇଛନ୍ତି । ଆହତ ନାଁ ବାପୁନି ଦାସ ବୋଲି ଜଣାପଡିଛି । ସେପଟେ ମୃତକଙ୍କ ପରିଚୟ ମିଳି ନଥିବା ବେଳେ ପିକଅପ ଭ୍ୟାନଟି ପରିବା ପାଇଁ ଆସିଥିବା ଜଣାପଡ଼ିଛି। ଖବର ପାଇ ଜରପଡା ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ,ଇଟିଭି ଭାରତ
