ଅନୁଗୋଳ: ବଜ୍ରପାତରେ ଅନୁଗୋଳ ଥାନା ଅନ୍ତର୍ଗତ ରନ୍ତଲେଇ ଯାଯାବର ଗାଁରେ ଦୁଇଜଣଙ୍କ ମୃତ୍ୟୁ ହୋଇଥିବା ଜଣାପଡ଼ିଛି । ମୃତକ ଦ୍ବୟ ସମ୍ପର୍କରେ ମା' ପୁଅ ହୋଇଥିବା ବେଳେ ସେମାନେ ସୁଦୂର ମହାରାଷ୍ଟ୍ରର ବାସିନ୍ଦା ବୋଲି ଜଣାପଡ଼ିଛି । ମୃତକମାନେ ହେଉଛନ୍ତି ମା ମନୋହର ବାହିନୀ ବଲଦାର ଓ ପୁଅ ନନ୍ଦୁ ।
ଭିଡିଓ ସୌଜନ୍ୟ: ସମ୍ବାଦଦାତା ଅନୁଗୋଳ
ଖବର ଅନୁଯାୟୀ, ମୃତକ 2 ଜଣ ମହାରାଷ୍ଟ୍ର ଅଞ୍ଚଳର। ଏମାନେ ଦୀର୍ଘ ବର୍ଷ ହେବ ଔଷଧ ବ୍ୟବସାୟ ପାଇଁ ଆସିଥିବା ବେଳେ ଏକ ଅସ୍ଥାୟୀ ତମ୍ବୁରେ ଯାଯାବର ଜୀବନଯାପନ କରୁଥିଲେ। ତେବେ ଗତକାଲି ରାତିରେ ରୋଷେଇ କରୁଥିବା ବେଳେ ହଠାତ ବଜ୍ରପାତ ହେବାରୁ ତମ୍ବୁ ଜଳି ଯାଇଥିଲା। ଫଳରେ ଘଟଣାସ୍ଥଳରେ ହିଁ ଉଭଯଙ୍କର ମୃତ୍ୟୁ ହୋଇଥିଲା ।