ରେଳଧାରଣାରେ କଟି 2 ମୃତ, ଆତ୍ମହତ୍ୟା ସନ୍ଦେହ

ରେଳଧାରଣାରୁ ଖଣ୍ଡ ବିଖଣ୍ଡିତ ଅବସ୍ଥାରେ 2ଜଣଙ୍କ ମୃତଦେହ ଉଦ୍ଧାର ହୋଇଛି । ସେପଟେ ରେଳଧାରଣା କଡରୁ ମଟରସାଇକେଲ ମିଳିଥିବାରୁ ଆତ୍ମହତ୍ୟା ସନ୍ଦେହ କରାଯାଉଛି ।

ଅନୁଗୋଳ: ଅନୁଗୋଳ-ସମ୍ବଲପୁର ରେଳଧାରଣାରେ କଟି 2 ଜଣଙ୍କର ମୃତ୍ୟୁ । ଜଣେ ପୁରୁଷ ଓ ଜଣେ ମହିଳାଙ୍କ ଖଣ୍ଡବିଖଣ୍ଡିତ ମୃତଦେହକୁ ଉଦ୍ଧାର କରାଯାଇଛି । ଅନୁଗୋଳ ଥାନା କୁମଣ୍ଡ ଗାଁ ପାଖ ଦେଇ ଯାଇଥିବା ରେଳ ଧାରଣାରୁ ମୃତଦେହ ପଡିଥିବା ନେଇ ପ୍ରଥମେ ସ୍ଥାନୀୟ ବାସିନ୍ଦା ସୂଚନା ଦେଇଥିଲେ ।

ସେପଟେ, ମୃତକଙ୍କ ପରିଚୟ ମିଳିନଥିବାବେଳେ ରେଳଧାରଣା କଡରୁ ଗୋଟିଏ ମଟର ସାଇକେଲ ଦେଖିବାକୁ ମିଳିଛି । ଯାହାକୁ ନେଇ ଏହା ଏକ ଆତ୍ମହତ୍ୟା ବୋଲି ସନ୍ଦେହ କରାଯାଉଛି । ଘଟଣାସ୍ଥଳରେ ପୋଲିସ ପହଞ୍ଚି ନଥିବାରୁ ଘଟଣାର କାରଣ ସ୍ପଷ୍ଟ ହୋଇନାହିଁ ।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ