ଅନୁଗୋଳ: ଆକ୍ସନ ମୁଡରେ ଜିଲ୍ଲା ପୋଲିସ । ଅନୁଗୋଳ ଜିଲ୍ଲା ଛେଣ୍ଡିପଦା ଥାନା ବାହାଳସାହିରେ ଖଣି ବିଭାଗ, ରାଜସ୍ବ ବିଭାଗ ଓ ପୋଲିସ ପକ୍ଷରୁ ଚଢ଼ାଉ କରାଯାଇ ୧୫ରୁ ଉର୍ଦ୍ଧ୍ବ ବେଆଇନ ଚୋରା ଖଣିରୁ ବିପୁଳ ପରିମାଣରେ କୋଇଲା ଜବତ ସହ ଖଣିରେ ମାଟି ଭରି ଦିଆଯାଇଛି ।
ବନ୍ଦ 15 ବେଆଇନ ଖଣି
ସୂଚନାଅନୁସାରେ ବାହାଳସାହିରେ ବେଆଇନ ଭାବେ କୋଇଲା ଖଣିରୁ କୋଇଲା ଖନନ କରି ବାହାରକୁ ଚଲାଣ କରାଯାଉଥିଲା । ସେହି ଚୋରା କୋଇଲା ଖାଲରେ ଲବଣି ଭୁତିଆ ନାମକ ଗତ ୧୪ ତାରିଖରେ ସାଇକେଲ ସହିତ ୫୦ ଫୁଟ ତଳକୁ ଖସି ପଡିଥିଲେ l ଫଳରେ ତାଙ୍କର ମୃତ ହୋଇଥିଲା । ପୋଲିସ ଏହି ଘଟଣାକୁ ଭିତ୍ତି କରି ଉକ୍ତ କୋଇଲା ଖାତ ମାଲିକ ସୁଶାନ୍ତକୁ ଗିରଫ କରି କୋର୍ଟ ଚାଳଣ କରିବା ସହ ବେଆଇନ କୋଇଲା ଖାତ ଚଳାଉ ଥିବା ଅନେକଙ୍କ ନାମରେ ମାମଲା ରୁଜୁ କରିଛି ପୋଲିସ ।