ନୂଆଦିଲ୍ଲୀ:ଟୋକିଓ ଅଲମ୍ପିକ୍ସର ଜାଭେଲିନ ଥ୍ରୋ' ଇଭେଣ୍ଟରେ ଭାରତୀୟ ଆଥଲେଟ ନୀରଜ ଚୋପ୍ରା ସ୍ବର୍ଣ୍ଣ ପଦକ ହାସଲ କରିବା ପରେ ବର୍ତ୍ତମାନ ଚର୍ଚ୍ଚାରେ ରହିଛନ୍ତି । ତେବେ ଇଭେଣ୍ଟ ଆରମ୍ଭ ହେବାକୁ ପୂର୍ବରୁ ନୀରଜଙ୍କ ଜାଭେଲିନ ପାକିସ୍ତାନ ଆଥଲେଟ ଅର୍ଶଦ ନଦୀମ ନେଇଯାଇଥିଲେ । ଏହାକୁ ନେଇ ଏକ ସାକ୍ଷାତକାରରେ ସୂଚନା ଦେଇଥିଲେ ନୀରଜ । ଏହାପରେ ପାକିସ୍ତାନ ଆଥଲେଟଙ୍କ ବିପକ୍ଷରେ ନାନା ଟ୍ବିଟ୍ ଓ କମେଣ୍ଟ କରିଥିଲେ ଭାରତୀୟ ପ୍ରଶଂସକ ।
ଏହାକୁ ନେଇ ଏକ ଭିଡିଓ ସେୟାର କରି ଦୁଃଖ ଜାହିର କରିଛନ୍ତି ନୀରଜ ଚୋପ୍ରା । ସେ ଭିଡିଓ ସେୟାର କରି କହିଛନ୍ତି ଯେ, "କିଛି ବି କମେଣ୍ଟ କରିବା ପୂର୍ବରୁ ଖେଳର ନିୟମ ବିଷୟରେ ଜାଣି ନିୟନ୍ତୁ । ଇଭେଣ୍ଟରେ ଆମ ପାଖରେ ନିଜର ଜାଭେଲିନ ଥିଲେ ସୁଦ୍ଧା ଏହାକୁ ଅନ୍ୟମାନେ ବ୍ୟବହାର କରି ପାରିବେ । ଏଥିରେ ଭୁଲ କିଛି ନାହିଁ । କୀଡ଼ା ସମସ୍ତଙ୍କୁ ଏକାଠୀ ହେବା ଶିଖାଏ । ଆମେ ସମସ୍ତ ଖେଳାଳି ଭଲ ଭାବରେ ପରସ୍ପରକୁ ବ୍ୟବହାର କରିଥାଉ । ଆମ ଭିତରେ କୌଣସି ବିବାଦ ନାହିଁ । ଏଥିପାଇଁ କୌଣସି ଖରାପ କମେଣ୍ଟ କରନ୍ତୁ ନାହିଁ ।"