ନୂଆଦିଲ୍ଲୀ:ଅଲମ୍ପିକ ସ୍ବର୍ଣ୍ଣ ବିଜେତା ଅଭିନବ ବିନ୍ଦ୍ରା ଶୁକ୍ରବାର ବକ୍ସର ଲଭଲିନା ବୋର୍ଗହେନଙ୍କୁ ଶୁଭେଚ୍ଛା ଜଣାଇଛନ୍ତି । ଚଳିତ ଟୋକିଓ ଅଲମ୍ପିକ୍ର ମହିଳା ବକ୍ସିଂ ୱେଲ୍ଟରୱେଟ୍(୬୪-୬୯ କିଲୋଗ୍ରାମ) ବର୍ଗରେ ସେମିଫାଇନାଲରେ ପ୍ରବେଶ କରିଛନ୍ତି ଲଭଲିନା । ଫଳରେ ଭାରତ ପାଇଁ ଅତିକମ୍ରେ ବ୍ରୋଞ୍ଜ ପଦକ ନିଶ୍ଚିତ କରିଛନ୍ତି ।
"ସୁପର ଶୋ, ଆଉ ମାତ୍ର ଦୁଇଟି ବିଜୟ, ସ୍ବର୍ଣ୍ଣ ବିଜୟିନୀ ହୁଅ" ଲଭଲିନାଙ୍କ ଉଦ୍ଦେଶ୍ୟରେ ଏହା ଟ୍ବିଟ କରିଛନ୍ତି ବିନ୍ଦ୍ରା । ଅର୍ଜୁନ ଆୱାର୍ଡ ବିଜେତା ବକ୍ସର ଅଖିଲ କୁମାର ମଧ୍ୟ ଟ୍ବିଟ ମାଧ୍ୟମରେ ଦେଶକୁ ଗର୍ବିତ କରିଥିବା ଲଭଲିନାଙ୍କୁ ଶୁଭେଚ୍ଛା ଜଣାଇଛନ୍ତି ।