ଟୋକିଓ: ବୁଧବାର Tokyo Olympics ଭାରତୀୟ ଖେଳାଳିଙ୍କର ରହିଥିଲା ଦମଦାର ପ୍ରଦର୍ଶନ । ଜାଭେଲିନ, କୁସ୍ତି, ଗଲ୍ଫ ଆଦି ଇଭେଣ୍ଟରେ ଚମତ୍କାର ପ୍ରଦର୍ଶନ କରିଛନ୍ତି ଭାରତୀୟ ଆଥଲେଟ । ସେପଟେ ସେମିଫାଇନାଲରେ ହାରି ଯାଇଥିଲେ ମଧ୍ୟ କାଂସ୍ୟ ପଦକ ଜିତି ନେଇଛନ୍ତି ଭାରତୀୟ ବକ୍ସର ଲଭଲିନା ବୋର୍ଗୋହେନ ।
ତେବେ ବୁଧବାର ସବୁଠାରୁ ବେଶୀ ଫୋକସରେ ଥିଲା ଭାରତୀୟ ମହିଳା ହକି ଟିମର ସେମିଫାଇନାଲ ଉପରେ । ମ୍ୟାଚରେ ଖୁବ୍ ଭଲ ପ୍ରଦର୍ଶନ ସତ୍ତ୍ବେ ବିଶ୍ବର ନମ୍ବର ଦୁଇ ଟିମ ଆର୍ଜେଣ୍ଟିନା ଠାରୁ ୧-୨ ଗୋଲରେ ପରାସ୍ତ ହୋଇଛି ଟିମ୍ । ତେବେ ବର୍ତ୍ତମାନ ମହିଳା ଦଳ ଗ୍ରେଟ ବ୍ରିଟେନ ସହ କାଂସ୍ୟ ପଦକ ପାଇଁ ମୁକାବିଲା କରିବ ।
ଅନ୍ୟପଟେ ବୁଧବାର ଚର୍ଚ୍ଚାର କେନ୍ଦ୍ର ବିନ୍ଦୁ ଥିଲେ ଭାରତୀୟ କୁସ୍ତି ଯୋଦ୍ଧା ଓ ବର୍ଚ୍ଛା ଫିଙ୍ଗାଳି (Javeline Thrower) ନୀରଜ ଚୋପ୍ରା । ନୀରଜ ସଭିଁଙ୍କ ଠାରୁ ଅଧିକ ମିଟର (86.65) ମିଟର ଫିଙ୍ଗି ଫାଇନାଲରେ ପ୍ରବେଶ କରିଛନ୍ତି । କୁସ୍ତି ଯୋଦ୍ଧା ଅଂଶୁ ମଲିକ କ୍ବାର୍ଟରରେ ହାରିଥିଲେ ମଧ୍ୟ ରେପଚାର୍ଜ ନିୟମ ଅନୁଯାୟୀ କାଂସ୍ୟ ପଦକ ମ୍ୟାଚ ପାଇଁ ଖେଳିବେ। ରବି ଦହିୟା ବୁଧବାର ଥିଲେ ଷ୍ଟାର ରେସଲର । କ୍ବାର୍ଟର ଫାଇନାଲ, ସେମିଫାଇନାଲ ଜିତି ଫାଇନାଲରେ ପ୍ରବେଶ କରି ପଦକ ପକ୍କା କରିଛନ୍ତି ରବି । ସେପଟେ ସେମିରେ ହାରିଯାଇଛନ୍ତି ରେସଲର ଦୀପକ ପୁନିଆ ।
ତେବ ନଜର ପକାନ୍ତୁ ଅଗଷ୍ଟ-୫ ତାରିଖରେ ହେବାକୁ ଥିବା ଇଭେଣ୍ଟ ଉପରେ ଆଉ ଜାଣନ୍ତୁ କେଉଁ ଆଥଲେଟଙ୍କ ଉପରେ ରହିବ ନଜର ।
ଗଲ୍ଫ (ମହିଳା ରାଉଣ୍ଡ-୨): ଅଦିତି ଅଶୋକ
ଭାରତୀୟ ସମୟ ସକାଳ ୪.୦୦ ରୁ ଆରମ୍ଭ ।
ଗଲ୍ଫ (ମହିଳା ରାଉଣ୍ଡ-୨): ଦିକ୍ଷା ଦାଗର
ଭାରତୀୟ ସମୟ ସକାଳ ୫.୪୪ ରୁ ଆରମ୍ଭ ।
ହକି (ପୁରୁଷ, କାଂସ୍ୟ ପଦକ ମ୍ୟାଚ): ଭାରତ ବନାମ ଜର୍ମାନୀ
ଭାରତୀୟ ସମୟ ସକାଳ ୭.୦୦ ରୁ ଆରମ୍ଭ ।
କୁସ୍ତି (ମହିଳା, ୫୭ କିଗ୍ରା ଫ୍ରିଷ୍ଟାଇଲ- ରେପଚାର୍ଜ): ଅଂଶୁ ମଲିକ
ଭାରତୀୟ ସମୟ ସକାଳ ୭.୩୭ ରୁ ଆରମ୍ଭ ।
କୁସ୍ତି (ମହିଳା, ୫୩ କିଗ୍ରା ଫ୍ରିଷ୍ଟାଇଲ- ୧/୮ ଫାଇନାଲ): ଭିନେଶ ଫୋଗାଟ