ପୁରୀ: ଟୋକିଓ ଅଲମ୍ପିକ ସେମିଫାଇନାଲରେ ପରାଜିତ ହୋଇଥିଲେ ମଧ୍ୟ କାଂସ୍ୟ ପଦକ ଜିତିଛନ୍ତି ଭାରତୀୟ ବକ୍ସର ଲଭଲିନା ବୋର୍ଗୋହେନ । ତେବେ କାଂସ୍ୟ ପଦକ ଜିତିଥିବା ଯୋଗୁଁ ସାରା ଦେଶରୁ ଲଭଲିନାଙ୍କ ପାଖକୁ ଛୁଟିଛି ଶୁଭେଚ୍ଛାର ସୁଅ । ଆଉ ଏହି କ୍ରମରେ ଲଭଲିନାଙ୍କୁ ବାଲୁକା କଳା ମାଧ୍ୟମରେ ଶୁଭେଚ୍ଛା ଜଣାଇଛନ୍ତି ଅନ୍ତର୍ଜାତୀୟ ବାଲୁକାଶିଳ୍ପୀ ସୁଦର୍ଶନ ପଟ୍ଟନାୟକ ।
ପୁରୀ ସୁବର୍ଣ୍ଣ ବେଳାଭୂମିରେ ଲଭଲିନାଙ୍କ କାଂସ୍ୟ ପଦକ ସହ ଏକ ସୁନ୍ଦର ବାଲୁକା ପ୍ରତିକୃତି କରିଛନ୍ତି ପଦ୍ମଶ୍ରୀ ସୁଦର୍ଶନ ପଟ୍ଟନାୟକ । ଲଭଲିନା ମଧ୍ୟ ଏହାକୁ ଖୁବ୍ ପସନ୍ଦ କରିଛନ୍ତି ଓ ସୁଦର୍ଶନଙ୍କୁ ଟ୍ବିଟ କରି ଧନ୍ୟବାଦ ଜଣାଇଛନ୍ତି ।