ଭୁବନେଶ୍ବର: ମହିଳା ହକି ଟିମକୁ ମୁଖ୍ୟମନ୍ତ୍ରୀ ନବୀନଙ୍କ ଶୁଭେଚ୍ଛା । 'ଜାରି ରହୁ ବିଜୟ ଯାତ୍ରା' ବୋଲି କହିଛନ୍ତି ନବୀନ । କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ଟ୍ବିଟ ଯୋଗେଁ ମହିଳା ହକି ଟିମ ଇଣ୍ଡିଆକୁ ଶୁଭେଚ୍ଛା ଜଣାଇଛନ୍ତି ।
ମହିଳା ହକି ଟିମକୁ ମୁଖ୍ୟମନ୍ତ୍ରୀଙ୍କ ଶୁଭେଚ୍ଛା, 'ଜାରି ରହୁ ବିଜୟ ଯାତ୍ରା'
ଟୋକିଓ ଅଲମ୍ପିକର ମହିଳା ହକି ପ୍ରତିଯୋଗିତାରେ ସେମିଫାଇନାଲରେ ପ୍ରବେଶ କରିଛି ଭାରତ । ରାନୀ ରାମପାଲଙ୍କ ଟିମ ଗୁରୁତ୍ବପୂର୍ଣ୍ଣ କ୍ବାର୍ଟର-ଫାଇନାଲ ମୁକାବିଲାରେ ଶକ୍ତିଶାଳୀ ଅଲମ୍ପିକ ଟୁର୍ଣ୍ଣାମେଣ୍ଟରେ ଅପରାଜେୟ ଥିବା ଅଷ୍ଟ୍ରେଲିଆ ଟିମକୁ ୧-୦ରେ ମାତ୍ ଦେଇଛି ।
ମ୍ୟାଚର ଦ୍ବିତୀୟ ୧୫ ମିନିଟରେ ପେନାଲିଟି କର୍ଣ୍ଣର ସୁଯୋଗକୁ ଗୁରଜିତ କୌର ଦମଦାର ଗୋଲ୍ରେ ପରିଣତ କରିବା ପରେ ଭାରତ ୧-୦ରେ ଆଗୁଆ ରହିଥିଲା । ପରେ ଭାରତୀୟ ଟିମ ପ୍ରତିପକ୍ଷ କଙ୍ଗାରୁ ଖେଳାଳିଙ୍କୁ ପରବର୍ତ୍ତୀ ଦୁଇଟି କ୍ବାର୍ଟରରେ ଗୋଲ୍ କରିବାକୁ କୌଣସି ସୁଯୋଗ ଦେଇନଥିଲେ ।