ନ୍ୟୁୟର୍କ: ଭୁଲ ସଟ ମାରି ବିଶ୍ବର ନଂ1 ଟେନିସ ଖେଳାଳି ନୋଭାକ ଜୋକୋଭିକ ୟୁଏସ ଓପନରୁ ବିଦା ହୋଇଛନ୍ତି । ରବିବାର ଦିନ ପ୍ରିକ୍ବାଟର ଫାଇନାଲ ମୁକାବିଲାରେ ଜଣେ ମହିଳା ଅଧିକାରୀଙ୍କ ଠାରେ ଜୋକଭିକଙ୍କ ଏକ ସଟ୍ ବାଜିଥିଲା , ଏହି କାରଣରୁ ତାଙ୍କୁ ୟୁଏସ ଓପନ ଟୁର୍ଣ୍ଣାମେଣ୍ଟ ପାଇଁ ଅଯୋଗ୍ୟ ବିବେଚିତ ହୋଇଛନ୍ତି । ତେବେ ଜୋକଭିକ ଟୁର୍ଣ୍ଣାମେଣ୍ଟରୁ ବାଦ ପଡିଥିବା ସୂଚନା ଆମେରିକା ଟେନିସ ସଂଘ(ୟୁଏସଟିଏ) ସୂଚନା ଦେଇଛି ।
ୟୁଏସଟିଏ ସୂଚନାନୁସାରେ, ଗ୍ରାଣ୍ଡସ୍ଲାମର ନିୟମାନୁସାରେ ଯଦି କୌଣସି ଖେଳାଳି ଅଧିକାରୀ କିମ୍ବା ଦର୍ଶକଙ୍କୁ ଆହତ କରନ୍ତି ତେବେ ଖେଳାଳି ଜଣଙ୍କୁ ଅଯୋଗ୍ୟ ଘୋଷଣା କରିବା ସହ ଫାଇନ୍ ଦେବାକୁ ପଡିଥାଏ । ଏହି ଆଧାରରେ ମ୍ୟାଚ ରେଫରୀ ନୋଭାକ ଜୋକଭିକଙ୍କୁ ୟୁଏସ ଓପନ ଟୁର୍ଣ୍ଣାମେଣ୍ଟରୁ ବାଦ୍ ଦେଇଛନ୍ତି ।
ଜୋକୋଭିକଙ୍କ ପ୍ରିକ୍ବାଟର ମ୍ୟାଚର ଭିଡିଓ
ଫାଇନ ଆଧାରରେ ଜୋକଭିକଙ୍କ ପୁରସ୍କାର ରାଶିକୁ କାଟ୍ କରାଯିବ । ଏଥିସହ ତାଙ୍କର ରାଙ୍କିଙ୍ଗ ପଏଣ୍ଟ ମଧ୍ୟ ହ୍ରାସ ପାଇବ ।