ହୋବାର୍ଟ ଇଣ୍ଟରନ୍ୟାସନାଲ: ଫାଇନାଲରେ ସାନିଆ

ହୋବାର୍ଟ ଇଣ୍ଟରନ୍ୟାଶନାଲର ମହିଳା ଡବଲ୍ସ ଫାଇନାଲରେ ସ୍ଥାନ ପକ୍କା କରିଛନ୍ତି ସାନିଆ ମିର୍ଜା । ଅଧିକ ପଢନ୍ତୁ...

ହୋବାର୍ଟ: ଟ୍ରାକକୁ ଫେରିଲେ ସାନିଆ । ପ୍ରତ୍ୟାବର୍ତ୍ତନ ମ୍ୟାଚରେ ଦେଖାଇଲେ ଦମ । ଟେନିସଠାରୁ ଦୀର୍ଘ ଦୁଇ ବର୍ଷ ଦୂରେଇ ରହିଥିଲେ ବି ସାନିଆ ପ୍ରମାଣ କରିଦେଇଛନ୍ତି ସେ କାହିଁକି ଭାରତୀୟ ଟେନିସ ଷ୍ଟାର । ଏଠାରେ ଚାଲିଥିବା ହୋବାର୍ଟ ଇଣ୍ଟରନ୍ୟାଶନାଲର ମହିଳା ଡବଲ୍ସ ଫାଇନାଲରେ ସ୍ଥାନ ପକ୍କା କରିଛନ୍ତି ସାନିଆ ମିର୍ଜା ।

ଶୁକ୍ରବାର ଅନୁଷ୍ଠିତ ସେମିଫାଇନାଲରେ ସାନିଆ ଓ ତାଙ୍କ ସାଥୀ ଖେଳାଳି ୟୁକ୍ରେନର ନାଦିଆ କିଚେନୋକ, ସ୍ଲୋଭେନିଆ-ଚେକ୍ ରିପବ୍ଲିକ୍ ଯୋଡ଼ି ତାମାରା ଜିଦାନସେକ୍ ଓ ମ୍ୟାରି ବୁଜକୋକାଙ୍କୁ ପରାସ୍ତ କରିଛନ୍ତି । 1 ଘଣ୍ଟା 21 ମିନିଟ୍ ଧରି ଚାଲିଥିବା ଏହି ଲଢେଇରେ ଏହି ଦୁଇ ଯୋଡ଼ି 7-6(3), 6-2 ସେଟରେ ବିଜୟୀ ହୋଇଛନ୍ତି । ତେବେ ଶନିବାର (ଆସନ୍ତାକାଲି) ଫାଇନାଲରେ ଚାଇନଜି ଯୋଡିଙ୍କୁ ଭେଟିବେ ଏହି ବିଜୟୀ ଯୋଡି ।