ବେଲଗ୍ରେଡ଼: ଟେନିସ ୱାର୍ଲ୍ଡର ନମ୍ବର ୱାନ ଖେଳାଳି ନୋଭାକ ଜୋକୋଭିକ ଏବଂ ତାଙ୍କ ପତ୍ନୀ ଜେଲେନା ଉଭୟଙ୍କ କୋରୋନାଭାଇରସ ରିପୋର୍ଟ ନେଗେଟିଭ ଆସିଛି । ଏନେଇ ଜୋକୋଭିକଙ୍କ ମିଡିଆ ଟିମ କହିଛି । ଆଡ୍ରିଆ ଟୁରରେ ଅଂଶଗ୍ରହଣ କରିଥିବା ଚତୁର୍ଥ ଖେଳାଳି ଥିଲେ ଜୋକୋଭିକ ଯେଉଁଥିରେ କୋରୋନାଭାଇରସର ଅନେକ ମାମଲା ଆସିଥିଲା ।
ବିବୃତ୍ତିରେ କୁହାଯାଇଛି ଯେ ‘‘ନୋଭାକ ଜୋକୋଭିକ ଏବଂ ତାଙ୍କ ପତ୍ନୀ ଜେଲେନା କୋଭିଡ-19 ପାଇଁ ନେଗେଟିଭ ଅଛନ୍ତି । ଏହା ଉଭୟ ବେଲାଗ୍ରେଡରେ ହୋଇଥିବା PCR ପରୀକ୍ଷା ଫଳାଫଳ ଦ୍ବାରା ଦର୍ଶାଯାଇଥିଲା।’’
ବିବୃତ୍ତିରେ କୁହାଯାଇଛି ଯେ ଉଭୟଙ୍କର କୌଣସି ଲକ୍ଷଣ ନଥିଲା ଏବଂ 10 ଦିନ ପୂର୍ବରୁ ପଜିଟିଭ ପରୀକ୍ଷା ହେବା ପରଠାରୁ ସେମାନେ ସର୍ବିଆର ରାଜଧାନୀରେ ସେଲ୍ଫ ଆଇସୋଲେସନରେ ଥିଲେ।
ଆଡ୍ରିଆ ଟୁର୍ ସମୟରେ ଅନୁସରଣ କରାଯାଉଥିବା ସାମାଜିକ ଦୂରତା ଆଦର୍ଶର ଅଭାବ ହେତୁ ଜୋକୋଭିକ ଗତ କିଛି ଦିନ ତଳେ ଆକ୍ରୋଶର ଶୀକାର ହୋଇଥିଲେ। ତେବେ ସେ ସର୍ବିଆ ଆଥଲେଟ୍ସ ଏବଂ ଏପରିକି ସର୍ବିଆ ପ୍ରଧାନମନ୍ତ୍ରୀ ଆନା ବ୍ରନାବିକ୍ଙ୍କ ସମର୍ଥନ ପାଇଛନ୍ତି।