ପ୍ୟାରିସ ମାଷ୍ଟର୍ସ ଡବଲ୍ସରୁ ବୋପନ୍ନା ଆଉଟ

ଭାରତର ରୋହନ ବୋପନ୍ନା ଓ ତାଙ୍କ ସାଥୀ ଖେଳାଳି କାନାଡାର ଡେନିସ ଶାପୋଭାଲାଭ ପ୍ୟାରିସ ମାଷ୍ଟର୍ସରୁ ବିଦାୟ ନେଇଛନ୍ତି ।

ପ୍ୟାରିସ: ଭାରତୀୟ ଟପ୍‌ ଡବଲ୍ସ ଟେନିସ୍‌ ଖେଳାଳି ରୋହନ ବୋପନ୍ନା ଚଳିତ ପ୍ୟାରିସ ମାଷ୍ଟର୍ସ ପୁରୁଷ ଡବଲ୍ସରୁ ବିଦାୟ ନେଇଛନ୍ତି । ପୁରୁଷ ଯୁଗଳ ବର୍ଗର କ୍ବାଟରଫାଇନାଲରେ ବୋପାନ୍ନା ଯୋଡିଙ୍କୁ ପରାଜୟର ସାମ୍ନା କରିବାକୁ ପଡିଛି । କ୍ବାଟରଫାଇନାଲରେ ରୁଷିଆ ଖେଳାଳି କେରନ ଖାଚାନୋଭ ଓ ଆନ୍ଦ୍ରେ ଋବଲୋଭ ଯୋଡି ବୋପାନ୍ନା ଯୋଡିଙ୍କୁ ପରାସ୍ତ କରିଛି ।

ରୁଷିଆ ଯୋଡି ଏହି ମୁକାବିଲାକୁ 7-5,6-7,10-8 ସେଟ୍‌ରେ ନିଜ ନାଁରେ କରିଛି । ଏଟିପି ମାଷ୍ଟର୍ସ 1000 ଟୁର୍ଣ୍ଣାମେଣ୍ଟର ଏହି ମୁକାବିଲା 80ମିନିଟ୍‌ ଯାଏଁ ଚାଲିଥିଲା ।