ଟାର୍ଗେଟ ଟୋକିଓ, ସୋସିଆଲ ମିଡିଆ ଛାଡିଲେ କୁସ୍ତିଯୋଦ୍ଧା ବଜରଙ୍ଗ ପୁନିଆ

ଟୋକିଓ ଅଲମ୍ପିକ୍ସ ପର୍ଯ୍ୟନ୍ତ ସୋସିଆଲ ମିଡିଆ ବ୍ୟବହାର କରିବେ ନାହିଁ ଭାରତୀୟ ଷ୍ଟାର କୁସ୍ତିଯୋଦ୍ଧା ବଜରଙ୍ଗ ପୁନିଆ । ଅଧିକ ପଢନ୍ତୁ....

ନୂଆଦିଲ୍ଲୀ: ଭାରତୀୟ ଷ୍ଟାର କୁସ୍ତିଯୋଦ୍ଧା ବଜରଙ୍ଗ ପୁନିଆଙ୍କ ବଡ ଘୋଷଣା । ଟୋକିଓ ଅଲମ୍ପିକ୍ସ ପର୍ଯ୍ୟନ୍ତ ସୋସିଆଲ ମିଡିଆ ବ୍ୟବହାର କରିବେ ନାହିଁ ବୋଲି ସୋମବାର କହିଛନ୍ତି ବଜରଙ୍ଗ । ଅଲମ୍ପିକ ପ୍ରସ୍ତୁତି ଉପରେ ଧ୍ୟାନ କେନ୍ଦ୍ରୀତ କରିବାକୁ ଲକ୍ଷ୍ୟ ରଖିଥିବା କହିଛନ୍ତି ।

ତେବେ ଏହି ମେଗା ଇଭେଣ୍ଟ ଶେଷ ହେବାପରେ ପୁନଃ ସୋସିଆଲ ମିଡିଆକୁ ଫେରିବେ । ଏହା ଘୋଷଣା କରିବା ସହ ପ୍ରଂଶସକଙ୍କୁ ସମର୍ଥନ ଓ ଭଲପାଇବା ଜାରି ରଖିବାକୁ ଅନୁରୋଧ କରିଛନ୍ତି ।

ବଜରଙ୍ଗ ପୁନିଆ 65 କିଲୋଗ୍ରାମ ଫ୍ରୀଷ୍ଟାଇଲ ବର୍ଗରେ ଟୋକିଓ ଅଲମ୍ପିକ୍ସ ଟିକେଟ ହାସଲ କରିଛନ୍ତି । ଗତବର୍ଷ ସେପ୍ଟେମ୍ବର 2019ରେ ୱାର୍ଲ୍ଡ ଚମ୍ପିଆନସିପରେ ବ୍ରୋଞ୍ଜ ପଦକ ବିଜେତା ସହ ଅଲମ୍ପିକ ଯୋଗ୍ୟତା ଅର୍ଜନ କରିଥିଲେ । ନୂଆଦିଲ୍ଲୀରେ, ଫେବ୍ରୁଆରୀ 2020ରେ ଏସିଆନ ସିନିୟର ଚମ୍ପିଆନସିପ ତାଙ୍କର ଶେଷ ଅନ୍ତର୍ଜାତୀୟ ଇଭେଣ୍ଟ ଥିଲା ।

ବ୍ୟୁରୋ ରିପୋର୍ଟ, ଇଟିଭି ଭାରତ