ଲଣ୍ଡନ: କିମ୍ବଦନ୍ତୀ ଧାବକ ଉସେନ ବୋଲ୍ଟ କୋରୋନା ଭାଇରସ ସଂକ୍ରମଣର ଶିକାର ହୋଇଛନ୍ତି । ଗଣମାଧ୍ୟମ ରିପୋର୍ଟ ଅନୁଯାୟୀ, 34ତମ ଜନ୍ମଦିନ ଅବସରରେ ବୋଲ୍ଟ , ଇଂଲିସ ଫୁଟବଲ ଖେଳାଳି ରହୀମ ଷ୍ଟର୍ଲିଂ ଓ କ୍ରିକେଟର କ୍ରିସ ଗେଲଙ୍କ ସହ ମିଶି ଜାମାଇକାରେ ପାର୍ଟି କରିଥିଲେ। ଏହାର ଦିନକ ପରେ ସେ କୋଭିଡ-19 ପଜିଟିଭ ଚିହ୍ନଟ ହୋଇଛନ୍ତି ।
ପୂର୍ବତନ ଅଲମ୍ପିକ ଷ୍ଟାର ଏକ ଭିଡିଓ ବାର୍ତ୍ତାରେ ଟ୍ବିଟର ଆକାଉଣ୍ଟରେ ସେୟାର କରିବା ସହ, କୋଭିଡ-19 ପଜିଟିଭ ଥିବା କହିଥିଲେ । ଗତ ଶନିବାର ଟେଷ୍ଟ କରାଇଥିଲେ ଓ କୌଣସି ଲକ୍ଷଣ ନଥିବା କହିଛନ୍ତି । ତେବେ ସେ ନିଜକୁ ସଂଗରୋଧରେ ରଖିଥିବା ସ୍ପଷ୍ଟ କରିଛନ୍ତି ।