ହାଇଦ୍ରାବାଦ: ଆଜି (ସୋମବାର) ମହାରାଷ୍ଟ୍ରର 288ଟି ସିଟ ଓ ହରିୟାଣାରର 90ଟି ବିଧାନସଭା ଆସନରେ ମତଦାନ ଚାଲିଛି । ମତଦାନରେ ବହୁ ହେବିୱେଟ ନେତା ସାମିଲ ହୋଇଥିବା ବେଳେ ନିଜ ରାଜ୍ୟରେ ଭୋଟ ଦେଇଛନ୍ତି କ୍ରୀଡାବିତ୍ ।
ହରିୟାଣାର ଦାଦରୀ ବିଧାନସଭା ଆସନରୁ ବିଜେପି ପ୍ରାର୍ଥୀ ତଥା କ୍ରୀଡାବିତ୍ ବବିତା ଫୋଗାଟ ନିଜର ମତଦାନ କରିଛନ୍ତି ।
ସେହିପରି ମହାରାଷ୍ଟ୍ରର ବାନ୍ଦ୍ରା ଅଞ୍ଚଳରେ ଭୋଟ ଦେଇଛନ୍ତି ପୂର୍ବତନ ଟେନିସ ପ୍ଲେୟାର ମହେଶ ଭୂପିତ ଓ ତାଙ୍କ ପତ୍ନୀ ଲାରା ଦତ୍ତା ।
ସେହିପରି ଅଲମ୍ପିକ ମେଡାଲିଷ୍ଟ ଯୋଗେଶ୍ବର ଦତ୍ତ ତଥା ବିଜେପି ପ୍ରାର୍ଥୀ ନିଜର ଭୋଟ ଦେଇଛନ୍ତି । ହରିୟାଣା ବରୋଦା ବିଧାନସଭା ସିଟରୁ ପ୍ରାର୍ଥୀ ଅଛନ୍ତି ଯୋଗେଶ୍ବର । ତାଙ୍କ ବିପକ୍ଷରେ କ୍ରିଷ୍ଣା ହୁଡ୍ଡା ରହିଛନ୍ତି କଂଗ୍ରେସ ପ୍ରାର୍ଥୀ ।
