ନୂଆଦିଲ୍ଲୀ: କେନ୍ଦ୍ର କ୍ରୀଡାମନ୍ତ୍ରୀ କିରଣ ରିଜିଜୁ ଶନିବାର ଶ୍ରୀନଗରରେ ଖେଲୋ ଇଣ୍ଡିଆ ରୋଇଂ ସେଣ୍ଟର ଅଫ ଏକ୍ସଲେନ୍ସ ଉଦ୍ଘାଟନ କରିଛନ୍ତି । ଡାଲ ହ୍ରଦରେ ଏହି ଟ୍ରେନିଂ ସେଣ୍ଟର ରହିଛି । ଜମ୍ମୁ-କାଶ୍ମୀର ସ୍ପୋର୍ଟ୍ସ କାଉନସିଲ 16ଟି ନୂଆ ବୋଟ୍ ସହ ସେଣ୍ଟରର ନବୀକରଣ କରିଛି ।
50ଜଣ ନିୟମିତ ଆଥଲେଟ ଏଠାରେ ରହିଛନ୍ତି । ଏହି ସେଣ୍ଟର ଜଳ କ୍ରୀଡା ପ୍ରତି ସ୍ଥାନୀୟ ଯୁବକଙ୍କୁ ଆକୃଷ୍ଟ କରିବ କହିଛନ୍ତି କେନ୍ଦ୍ର କ୍ରୀଡା ମନ୍ତ୍ରୀ କିରଣ ରିଜିଜୁ ।
ଏହି ନୂଆ କେନ୍ଦ୍ର ଘାଟି ଅଞ୍ଚଳରେ କ୍ରୀଡା ପ୍ରୋତ୍ସାହନରେ ନୂଆ ଅବସର ହେବ କହିଛନ୍ତି କାଶ୍ମୀର ଉପତ୍ୟକାର ଜଣେ ଜାତୀୟ ସ୍ତରୀୟ କୋଚ୍ ।