ନୂଆଦିଲ୍ଲୀ:ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁରୁବାର ଭାରତୀୟ ପାରା-ଆଥଲେଟ୍ଙ୍କ ଦୃଢ ମନୋବଳ ଓ ଜୋଶ୍କୁ ପ୍ରଶଂସା କରିଛନ୍ତି । ସଦ୍ୟ ସମାପ୍ତ ଟୋକିଓ ପାରାଲମ୍ପିକ୍ରେ ଭାରତୀୟ ଖେଳାଳି ଐତିହାସିକ ସର୍ବକାଳୀନ ଶ୍ରେଷ୍ଠ ପ୍ରଦର୍ଶନ ସହ ୧୯ ପଦକ ହାସଲ କରିଛନ୍ତି । ପାରା ଆଥଲେଟ୍ମାନେ ନିଜର ଜୀବନରେ ଅନେକ ଘାତ ପ୍ରତିଘାତକୁ ପାର୍ କରି ସଫଳ ହୋଇଛନ୍ତି । ଖେଳାଳିଙ୍କ ପ୍ରଦର୍ଶନ ଅତ୍ୟନ୍ତ ପ୍ରଂଶସନୀୟ ବୋଲି କହିଛନ୍ତି ପ୍ରଧାନମନ୍ତ୍ରୀ ମୋଦି ।
ଗୁରୁବାର ଟୋକିଓ ୨୦୨୦ ପାରାଲମ୍ପିକ୍ ଭାରତୀୟ ଟିମକୁ ନିଜ ବାସଭବନରେ ମୋଦି ଆତିଥ୍ୟ ପ୍ରଦାନ କରିଥିଲେ । ଏହି ଟିମରେ ଆଥଲେଟ୍ଙ୍କ ସହିତ କୋଚ୍ ମଧ୍ୟ ସାମିଲ ଥିଲେ । ଏହି ଅବସରରେ ତପସ୍ୟା, ପୁରୁସାର୍ଥ ଓ ପରାକ୍ରମ ଦ୍ବାରା ପାରା ଆଥଲେଟ୍ ସେମାନଙ୍କର ଜୀବନରେ ବଡ ପରିବର୍ତ୍ତନ ଆଣିଥିବା କହିଛନ୍ତି ମୋଦି ।