ସୁବର୍ଣ୍ଣପୁର: ବିଶ୍ୱ ଟାଇକୋଣ୍ଡରେ ପ୍ରତିନିଧିତ୍ୱ କରିବେ ସୁବର୍ଣ୍ଣପୁର ଜିଲ୍ଲାର ଦୁଇ ଜଣ ଖେଳାଳି । ୟୁରୋପ ମହାଦେଶର ଆଲବେନିଆ ଠାରେ ଆସନ୍ତା ଅକ୍ଟୋବର ୧ ତରିଖରୁ ୫ ତାରିଖ ପର୍ଯ୍ୟନ୍ତ ହେବାକୁ ଥିବା ବିଶ୍ୱ ଟାଇକୋଣ୍ଡ ଚମ୍ପିଆନସିପରେ ଏହି ଦୁଇ ଖେଳାଳି ଯୋଗଦେବେ ।
ବିଶ୍ୱ ଟାଇକୋଣ୍ଡ ପ୍ରତିଯୋଗିତାରେ ନଜର ଆସିବେ ଓଡିଶାର 2 ଖେଳାଳି
ଭାରତୀୟ ଦଳରେ ମୋଟ ୨୦ ଜଣ ଖେଳାଳିଙ୍କ ମଧ୍ୟରୁ ଜି-୧ ର୍ୟାଙ୍କ ପାଇଁ ଏହେସାସ ହୋତା ଓ ଇ-୧ ର୍ୟାଙ୍କ ପ୍ରତିଯୋଗିତାରେ ଅନୁଷ୍କା ଦାସ ସାମିଲ ହୋଇଛନ୍ତି । ଏହେସାସ ଜଣେ ଉଚ୍ଚକୋଟିର ଟାଇକୋଣ୍ଡ ଖେଳାଳି ଓ କୋଚ ହୋଇଥିବାବେଳେ ଅନେକ ବିଶ୍ୱସ୍ତରୀୟ ପ୍ରତିଯୋଗିତାରେ ଭାଗ ନେଇ ପଦକ ଜିତିଛନ୍ତି । ଏବେ ପୁଣି ତାଙ୍କୁ ଏହି ସୁଯୋଗ ମିଳିଥିବାରୁ ସେ ସମସ୍ତଙ୍କ ଆଶୀର୍ବାଦ କାମନା କରିଛନ୍ତି ।