ରାଉରକେଲା: ଜାରି ରହିଛି ହକି ବିଶ୍ବକପ ୨୦୨୩ । ଟୁର୍ଣ୍ଣାମେଣ୍ଟର ପଞ୍ଚମ ମୁକାବିଲାରେ ନ୍ୟୁଜିଲାଣ୍ଡ ୩-୧ ଗୋଲ୍ରେ ଚିଲିକୁ ପରାସ୍ତ କରିଛି । ଚଳିତ ବର୍ଷ ବିଶ୍ବକପରେ ପଦାର୍ପଣ କରିଥିବା ଚିଲି ଏହାର ପ୍ରଥମ ମ୍ୟାଚ୍ ହାରିଛି । ମ୍ୟାଚ୍ ଆରମ୍ଭରୁ ଚିଲି ଭଲ ପ୍ରଦର୍ଶନ କରିଥିଲେ ମଧ୍ୟ ନ୍ୟୁଜିଲାଣ୍ଡ ଉପରେ କୌଣସି ଚାପ ପକାଇ ପାରିନଥିଲା ।
ପ୍ରଥମ କ୍ବାର୍ଟରରେ ନ୍ୟୁଜିଲାଣ୍ଡ ଦୁଇଟି ଗୋଲ୍ ଦେଇଥିଲା । ସାମ୍ ଲେନ୍ ଓ ସାମ୍ ହିହା ଏହି ଦୁଇଟି ଗୋଲ୍ କରି ବିପକ୍ଷ ଟିମ ଉପରେ ଚାପ ପକାଇଥିଲେ । ଏହି କ୍ବାର୍ଟରରେ ଚିଲି ଗୋଟିଏ ପେନାଲ୍ଟି କର୍ଣ୍ଣର ପାଇଥିଲେ ମଧ୍ୟ ଗୋଲ୍ରେ ପରିଣତ କରି ପାରିନଥିଲା । ସେହିପରି ନ୍ୟୁଜିଲାଣ୍ଡକୁ ଏକ ପେନାଲ୍ଟି କର୍ଣ୍ଣର ମିଳିଥିବା ବେଳେ ଚିଲି ମଧ୍ୟ ଏହାକୁ ଗୋଲ୍ରେ ପରିଣତ କରିବାକୁ ଦେଇନଥିଲା ।