ହାଇଦ୍ରାବାଦ: ବିବାଦରେ ପୂର୍ବତନ ଜୁନିୟର ବିଶ୍ବ ଚମ୍ପିଆନ ମହିଳା ବକ୍ସର ନିଖତ ଜରୀନ । ଅଲମ୍ପିକ କ୍ବାଲିଫାୟର ଟ୍ରାଏଲ ମ୍ୟାଚରେ 6ଥରର ବିଶ୍ବ ଚମ୍ପିଆନ, ମେରୀ କମଙ୍କ ଠାରୁ ପରାସ୍ତ ହୋଇଛନ୍ତି ନିଖତ । ତେବେ ମ୍ୟାଚ ଶେଷ ପରେ ନିଖତଙ୍କ ସହ ହାତ ମିଳାଇନଥିଲେ ମେରୀ ।
'ମେରୀ କମ ନୁହଁନ୍ତି, ଲଢେଇ ବ୍ୟବସ୍ଥା ବିରୋଧରେ'
ଅଲମ୍ପିକ କ୍ବାଲିଫାୟର ଟ୍ରାଏଲ ମ୍ୟାଚରେ ପୂର୍ବତନ ଜୁନିୟର ବିଶ୍ବ ଚମ୍ପିଆନ ମହିଳା ବକ୍ସର ନିଖତ ଜରୀନ, 6ଥରର ବିଶ୍ବ ଚମ୍ପିଆନ ମେରୀ କମଙ୍କ ଠାରୁ ପରାସ୍ତ ହେବାପରେ ଏକ ବଡ ବୟାନ ଦେଇଛନ୍ତି । ସେ କହିଛନ୍ତି ଲଢେଇ ମେରୀ କମଙ୍କ ବିରୋଧରେ ନୁହେଁ, କି ଭାରତୀୟ ବକ୍ସିଂ ଫେଡେରେସନ ବିରୋଧରେ ନୁହେଁ, କେବଳ ବ୍ୟବସ୍ଥା ବିରୋଧରେ" । ଅଧିକ ପଢନ୍ତୁ...
ଲଢେଇ ବ୍ୟବସ୍ଥା ବିରୋଧରେ
ବେଶ କିଛି ଦିନ ହେବ 2 ଭାରତୀୟ ମହିଳା ବକ୍ସରଙ୍କୁ ନେଇ ଚର୍ଚ୍ଚା ଲାଗିରହିଛି । ପୂର୍ବରୁ ଅଲମ୍ପିକ କ୍ବାଲିଫାୟର ଟ୍ରାଏଲ ମ୍ୟାଚ ମେରୀ କମଙ୍କ ବିପକ୍ଷରେ ଖେଳିବାକୁ ଅପିଲ କରିଥିଲେ ନିଖତ । ତେବେ ମ୍ୟାଚରେ ପରାସ୍ତ ହେବାପରେ 23 ବର୍ଷୀୟ ନିଖତ କହିଛନ୍ତି ତାଙ୍କ ପାଇଁ ଏସବୁ ନୂଆ । ମେରୀ କମଙ୍କ ଭଳି ଏତେ ବଡ ଅଭିଜ୍ଞ ବକ୍ସର ଏଭଳି ପ୍ରତିକ୍ରିୟାଶୀଳ ହେବେ ସେ ଆଦୌ ଭାବିନଥିଲେ । ମେରୀ ତାଙ୍କ ଉପରେ ରାଗିବେ ଏବଂ କେନ୍ଦ୍ର କ୍ରୀଡାମନ୍ତ୍ରୀଙ୍କୁ ଏନେଇ ଚିଠି ଲେଖିବେ ବୋଲି ମଧ୍ୟ ଚିନ୍ତା କରିନଥିଲେ ।
ନିଖତ ଜରୀନ ଗଣମାଧ୍ୟମକୁ କହିଛନ୍ତି ମୋର ଭୁଲ କଣ ? ମୁଁ କେବଳ କହିଥିଲି ପ୍ରତିଟି ପ୍ରତିଯୋଗୀତା ପୂର୍ବରୁ ଉପଯୁକ୍ତ ଟ୍ରାଏଲ ହେବାର ଆବଶ୍ୟତକା ରହିଛି । ମୋର ଲଢେଇ ମେରୀ କମଙ୍କ ବିରୋଧରେ ନୁହେଁ, କି ଭାରତୀୟ ବକ୍ସିଂ ଫେଡେରେସନ ବିରୋଧରେ ନୁହେଁ, କେବଳ ବ୍ୟବସ୍ଥା ବିରୋଧରେ" ।