ନୂଆଦିଲ୍ଲୀ: ଅର୍ଜୁନ ଆୱାର୍ଡ ପାଇଁ ଖେଳାଳିଙ୍କ ନାମ ପଠାଇଛି ଭାରତୀୟ ଭାରଉତ୍ତୋଳନ ଫେଡେରେସନ( IWLF) । ମୀରାବାଇ ଚାନୁ, ରଗଲା ଭେଙ୍କଟ ରାହୁଲ ଓ ପୁମନ ଯାଦବ ସମ୍ମାନଜନକ ଅର୍ଜୁନ ଆୱାର୍ଡ ପାଇଁ ମନୋନୀତ ହୋଇଛନ୍ତି ।
ମୀରାବାଇ ଚାନୁ ବର୍ଷ 2018ରେ କ୍ରୀଡା କ୍ଷେତ୍ରର ଦେଶର ସର୍ବୋଚ୍ଚ ସମ୍ମାନ ରାଜୀବ ଗାନ୍ଧୀ ଖେଳ ରତ୍ନ ସମ୍ମାନରେ ସମ୍ମାନିତ ହୋଇଛନ୍ତି । ସେ ଦ୍ବାଦଶ ସାଉଥ ଏସିଆନ ଗେମ୍ସ ଓ 21ତମ କମନୱେଲ୍ଥ ଗେମ୍ସରେ ସ୍ବର୍ଣ୍ଣ ପଦକ ବିଜେତା ରହିଛନ୍ତି ।
32ତମ, 33ତମ, 34ତମ ଓ 35 ତମ ମହିଳା ସିନିୟର ନ୍ୟାସନାଲ ଭାରଉତ୍ତୋଳନ ଚମ୍ପିଆନସିପରେ ସ୍ବର୍ଣ୍ଣ ପଦକ ହାତେଇଛନ୍ତି ମୀରାବାଇ ଚାନୁ । 2019 ଷଷ୍ଠ କ୍ବାତାର ଇଣ୍ଟରନ୍ୟାସନାଲ କପରେ ମଧ୍ୟ ସ୍ବର୍ଣ୍ଣ ପଦକ ଜିତିଥିଲେ ।
ଅନ୍ୟପଟେ ରାହୁଲ 2013 ୱାର୍ଲ୍ଡ ୟୁଥ ଚମ୍ପିଆନସିପରେ ରୌପ୍ୟ ଓ 2ୟ ୟୁଥ ଏସିଆନ ଗେମ୍ସରେ ସ୍ବର୍ଣ୍ଣ ପଦକ ଜିତିଥିଲେ । ଏଥିସହିତ 2015 ଏସିଆନ ଜୁନିୟର ଚମ୍ପିଆନସିପ ଓ 21ତମ କମନୱେଲ୍ଥ ଗେମ୍ସରେ ସ୍ବର୍ଣ୍ଣ ଜିତିଛନ୍ତି ରାହୁଲ ।
ପୁମନ ଯାଦବ କମନୱେଲ୍ଥ ଗେମ୍ସରେ ସ୍ବର୍ଣ୍ଣ ଓ ଓ ସିନିୟର କମନୱେଲ୍ଥ ଭାରଉତ୍ତୋଳନ ଚମ୍ପିଆନସିପ ପୁନେରେ ସ୍ବର୍ଣ୍ଣ ପଦକ ଜିତିଛନ୍ତି ।