ନୂଆଦିଲ୍ଲୀ: ଚଳିତ ସୁଟିଂ ବିଶ୍ବକପରେ ଭାରତର ପଦକ ବିଜୟ ଅଭିଯାନ ଜାରି ରହିଛି । ମହିଳା 50 ମିଟର ରାଇଫଲ ଥୀପୋଜିସନ ଟିମ ଇଭେଣ୍ଟରେ ରୌପ୍ୟରେ ଚମକିଲେ ଭାରତୀୟ ସୁଟର । ଅଞ୍ଜୁମ ମୌଦୁଗିଲ, ଶ୍ରେୟା ସାକ୍ସେନା ଓ ଗାୟତ୍ରୀ ନିତ୍ୟାନାଦମ ଫାଇନାଲରେ ପୋଲାଣ୍ଡ ଖେଳାଳିଙ୍କ ଠାରୁ ପରାସ୍ତ ହେବାପରେ ରୌପ୍ୟରେ ସନ୍ତୁଷ୍ଟ ହୋଇଛନ୍ତି । ପୋଲାଣ୍ଡ 47 ପଏଣ୍ଟ ହାସଲ କରି ସ୍ବର୍ଣ୍ଣ ପଦକ ଓ ଭାରତ 43 ପଏଣ୍ଟ ସହ ରୌପ୍ୟ ପଦକ ହାତେଇଛି ।
ଏହାପୂର୍ବରୁ ଐଶର୍ଯ୍ୟ ପ୍ରତାପ ସିଂ ତୋମାର ବୁଧବାର ISSF ସୁଟିଂ ବିଶ୍ବକପରେ ପୁରୁଷ 50ମିଟର ରାଇଫଲ ଥ୍ରୀ ଇଭେଣ୍ଟରେ ଐତିହାସିକ ସ୍ବର୍ଣ୍ଣ ପଦକ ହାସଲ କରିଥିଲେ । ପରେ ଭାରତୀୟ ମହିଳା ଟିଂ ମଧ୍ୟ 25 ମିଟର ପିସ୍ତଲ ଇଭେଣ୍ଟରେ 3ଟି ପଦକ ହାସଲ କରିଥିଲେ ।