ନୂଆଦିଲ୍ଲୀ: ସୁଲତାନ୍ ଜୋହର କପରେ ଭାରତୀୟ ଜୁନିୟର ପୁରୁଷ ହକି ଦଳ କାଂସ୍ୟ ପଦକ ଜିତିଛି । ମାଲେସିଆରେ ଆୟୋଜିତ ସୁଲତାନ ଜୋହର କପ୍ ହକି ଟୁର୍ଣ୍ଣାମେଣ୍ଟରେ ପାରମ୍ପରିକ ପ୍ରତିନ୍ଦ୍ବନ୍ଦ୍ବୀ ପାକିସ୍ତାନକୁ ସଡନ ଡେଥ୍ରେ ହରାଇ ଭାରତ ବ୍ରୋଞ୍ଜ୍ ପଦକ ଜିତିଛି । ପ୍ରଥମେ ମ୍ୟାଚ୍ 3-3ରେ ବରାବର ହୋଇଥିଲା । ପରେ ସୁଟଆଉଟର ସହୟତାରେ ସ୍ଥିତି 4-4ରେ ବରାବର ରହିଥିଲା । ଏହାପରେ ସଡନ୍ ଡେଥ୍ ଗୋଲରେ ବିଜୟ ହାସଲ କରିଥିଲା ଭାରତୀୟ ଜୁନିୟର ପୁରୁଷ ହକି ଦଳ । ଫାଇନାଲରେ ଜର୍ମାନୀ 3-1 ଗୋଲରେ ଅଷ୍ଟ୍ରେଲିଆକୁ ପରାସ୍ତ କରି ସ୍ବର୍ଣ୍ଣ ପଦକ ଜିତିଛି । ରୌପ୍ୟ ପଦକ ଜିତିଛି ଅଷ୍ଟ୍ରେଲିଆ । ଗୋଲ଼୍ଡ ମେଡାର ମ୍ୟାଚ୍ ବରାବର ରହିଥିଲା । ପେନାଲ୍ଟି ସୁଟ୍ଆଉଟ୍ରେ ଜର୍ମାନୀ ବାଜି ମାରି ନେଇଥିଲା ।
ଭାରତ ଓ ପାକିସ୍ତାନ ମ୍ୟାଚ କଡା ସଂଘର୍ଷପୂର୍ଣ୍ଣ ହୋଇଥିଲା । ନିର୍ଦ୍ଧାରିତ ସମୟର ଖେଳ ଶେଷ ସୁଦ୍ଧା ଉଭୟ ଦଳ 3ଟି ଲେଖାଏଁ ଗୋଲ କରିଥିଲେ । ଭାରତ ପକ୍ଷରୁ 11ତମ ମିନିଟରେ ଅରୁଣ ସାହାଣୀ ପ୍ରଥମ ଗୋଲ ସ୍କୋର କରିଥିଲେ । ସେହିପରି 42ତମ ମିନିଟରେ ସିବି ପୋଭାନ୍ନା ଓ 52ତମ ମିନିଟରେ ଅଧିନାୟକ ଉତ୍ତମ ସିଂଗ ଗୋଲ ସ୍କୋର କରିଥିଲେ । ସେହିପରି ପାକିସ୍ତାନର ସୁଫିୟାନ ଖାନ, ଅବଦୁନ କୟୁମ ଓ ହାନାନ ସାହିଦ ଗୋଟିଏ ଲେଖାଏଁ ଗୋଲ କରିଥିଲେ । ନିର୍ଦ୍ଧାରିତ ସମୟରେ ମ୍ୟାଚ 3-3ରେ ବରାବର ରହିଥିଲା ।