ନୂଆଦିଲ୍ଲୀ:ଉଜବେକିସ୍ତାନ, ମାଲେସିଆ, କୋରିଆ, ଚାଇନିଜ ତାଇପେଇ ଓ ଜାପାନକୁ ହରାଇ ଫାଇନାଲ ପାଇଁ ପଥ ପରିଷ୍କାର କରିଛି ଭାରତୀୟ ଜୁନିୟର ହକି ଦଳ । ଜାପାନରେ ଚାଲିଥିଲା ମହିଳା ଜୁନିୟର ଏସିଆ କପରେ ଭାରତର ଦମଦାର ପ୍ରଦର୍ଶନ ଦେଖିବାକୁ ମିଳିଛି । ସେମିଫାଇନାଲ ମ୍ୟାଚରେ ଘରୋଇ ଜାପାନକୁ ହରାଇ ଫାଇନାଲରେ ପ୍ରବେଶ କରିଛି ଭରାତୀୟ ଦଳ । 1-0ଗୋଲରେ ଜାପାନକୁ ହରାଇ ଫାଇନାଲ ସ୍ଥାନ ହାସଲ କରିଛି ଭାରତ । ଆଜି କୋରିଆ ବିପକ୍ଷରେ ମହାମୁକାବିଲା ଖେଳିବ ଭାରତୀୟ । ଦଳର ଏହି ସଫଳତା ପାଇଁ କେନ୍ଦ୍ର କ୍ରୀଡାମନ୍ତ୍ରୀ ଟ୍ବିଟ କରି ଶୁଭେଚ୍ଛା ଜଣାଇଛନ୍ତି । ବିଜୟରୁ ଅଭିଯାନ ଆରମ୍ଭ କରିଥିବା ଭାରତ ବିଜୟରେ ଏହି ଟୁର୍ଣ୍ଣାମେଣ୍ଟ ଶେଷ କରିବାକୁ ଲକ୍ଷ୍ୟ ରଖିଛି ।
ମ୍ୟାଚଟି ସଂଘର୍ଷପୂର୍ଣ୍ଣ ହୋଇଥିଲା । ଦୁଇ ଦଳ ଆକ୍ରମଣାତ୍ମକ ପ୍ରଦର୍ଶନ କରିଥିଲେ । ତୃତୀୟ କ୍ବାର୍ଟର ସୁଦ୍ଧା କେହି ଗୋଲ କରିନଥିଲେ କି ଗୋଲି କରିବାକୁ ସୁଯୋଗ ଦେଇନଥିଲେ । ଶେଷରେ ଚତୁର୍ଥ କ୍ବାର୍ଟରର 47 ମିନିଟରେ ଭାରତ ଏକ ଗୋଲି କରି 1-0 ଗୋଲରେ ଆଗୁଆ ଥିଲା । ଶେଷ 13 ମିନିଟରେ ଗୋଲ ପରିଶୋଧ କରିବାକୁ ଜାପାନ ଉଦ୍ୟମ କରି ବିଫଳ ହୋଇଥିଲା ଫଳରେ ଭାରତ ମ୍ୟାଚଟିକୁ କବଜା କରି ନେଇଥିଲା । ଏହି ବିଜୟ ସହ ଭାରତ ଜୁନିୟର ବିଶ୍ବକପ ହକି ପାଇଁ ଯୋଗ୍ୟତା ଅର୍ଜନ କରିଛି । ନଭେମ୍ବର 29ରୁ ସାଣ୍ଟିଆଗୋରେ ଜୁନିୟର ମହିଳା ବିଶ୍ବକପ ଆୟୋଜିତ ହେବ । ସେହିପରି ଅନ୍ୟ ଏକ ସେମିଫାଇନାଲ ମ୍ୟାଚରେ ଦକ୍ଷିଣ କୋରିଆ 2-0 ଗୋଲରେ ଚୀନକୁ ପରାସ୍ତ କରି ଫାଇନାଲରେ ପ୍ରବେଶ କରିଛି । ଆଜି ଭାରତ ଓ ଦକ୍ଷିଣ କୋରିଆ ମଧ୍ୟରେ ଫାଇନାଲ ମ୍ୟାଚ ଖେଳାଯିବ ।
ଏହା ବି ପଢନ୍ତୁ...WTC Final Day 4 Stumps: ଭାରତ ୧୬୪/୩, ବିଜୟ ପାଇଁ ଆବଶ୍ୟକ ଆଉ ୨୮୦