ଭୁବନେଶ୍ବର: ହ୍ବିଲ୍ ଚେୟାର ଫେନ୍ସିଂ ବିଶ୍ବକପ୍ ପାଇଁ ଭାରତୀୟ ଦଳରେ ସାମିଲ ହେଲେ ୪ ଓଡି଼ଆ କ୍ରୀଡ଼ାବିତ୍ । ମେ ୧୯ରୁ ୨୨ ତାରିଖ ପର୍ଯ୍ୟନ୍ତ ଥାଇଲାଣ୍ଡର ପଟାୟାରେ ଏହି ବିଶ୍ବକପ୍ ଆୟୋଜନ ହେବ । ୪ ଓଡ଼ିଆଙ୍କ ମଧ୍ୟରେ ଜଣେ ମହିଳା କ୍ରୀଡ଼ାବିତ୍ ରହିଥିବା ବେଳେ ୩ ଜଣ ପୁରୁଷ କ୍ରୀଡ଼ାବିତ୍ ସାମିଲ ରହିଛନ୍ତି ।
ଥାଇଲାଣ୍ଡରେ ହ୍ବିଲ୍ ଚେୟାର ଫେନ୍ସିଂ ବିଶ୍ବକପ୍ ପାଇଁ ଓଡ଼ିଶା ପକ୍ଷରୁ ପୂଜାସ୍ବିନୀ ନାୟକ, ଭି. ରମେଶ ରାଓ, ରାଖାଲ କୁମାର ସେଠୀ ଓ ପ୍ରଫୁଲ୍ଲ କୁମାର ଖଣ୍ଡାୟତରାଏ ଭାରତୀୟ ଦଳରେ ସାମିଲ ହୋଇଛନ୍ତି । ଏହାପୂର୍ବରୁ ଏହି ୪ କ୍ରୀଡ଼ାବିତ୍ ହରିୟାଣାରେ ୟୋଜିତ ହେବାକୁ ଥିବା ଜାତୀୟ ହ୍ବିଲ୍ ଚେୟାର ଫେନ୍ସିଂ ଶିବିରରେ ନିଜର କମାଲ ଦେଖାଇବେ । ଏଥିରେ ବିଭିନ୍ନ ରାଜ୍ୟର ମୋଟ ୧୮ ଜଣ ଖେଳାଳି ଭାଗ ନେବେ ।