ଭୁବନେଶ୍ବର: ୨୦୨୪ ପ୍ୟାରିସ ଅଲମ୍ପିକ ଗେମ୍ସରେ ପ୍ରଥମ ଥର ପାଇଁ ବ୍ରେକ ଡ୍ୟାନ୍ସକୁ ସାମିଲ କରାଯାଇଛି । ଏହାକୁ ନେଇ ଡ୍ୟାନ୍ସ ସ୍ପୋର୍ଟସ ଫେଡେରେସନ ପକ୍ଷରୁ ଏକ ସାମ୍ବାଦିକ ସମ୍ମିଳନୀ ଆୟୋଜିତ ହୋଇଛି । ବ୍ରେକ୍ ଡ୍ୟାନ୍ସ ଭଳି କ୍ରୀଡ଼ାରେ ଓଡିଶାର ଖେଳାଳୀମାନେ କିଭଳି ଭଳ ପ୍ରଦର୍ଶନ କରି ପାରିବେ ସେନେଇ ଏହି ଫେଡେରେସନ କାର୍ଯ୍ୟ କରୁଛି ।
ପ୍ୟାରିସ ଅଲମ୍ପିକ୍ସରେ ବ୍ରେକ୍ ଡ୍ୟାନ୍ସ ସାମିଲ, ଡ୍ୟାନ୍ସ ସ୍ପୋର୍ଟସ ଫେଡେରେସନ ଦେଲା ଏହି ତଥ୍ୟ
ଏହି ଖେଳ ଖେଳି ଅଲମ୍ପିକ ଗେମ୍ସରେ ଖେଳାଳିମାନେ କିଭଳି ପଦକ ଜିତି ପାରିବେ ସେଥିପ୍ରତି ଧ୍ୟାନ ଦିଆଯାଉଛି । ଏହି ବ୍ରେକ୍ ଡ୍ୟାନ୍ସ କ୍ରୀଡ଼ାକୁ ନେଇ ଆସନ୍ତା ଅଲିମ୍ପିକ୍ସରେ ଉଭୟ ମହିଳା ଓ ପୁରୁଷ ବର୍ଗରେ ପଦକ ପାଇଁ ପ୍ରତିଯୋଗିତା ହେବ । ଡିଜେ ସଙ୍ଗୀତ ଟ୍ରାକ୍ର ତାଳେତାଳେ ନୃତ୍ୟର କଳାକୌଶଳ ପ୍ରଦର୍ଶନ କରିବେ ଖେଳାଳୀ । ବ୍ରେକ୍ ଡ୍ୟାନ୍ସ ଏବେ ଆନ୍ତର୍ଜାତିକ ଅଲିମ୍ପିକ୍ସର ସ୍ବୀକୃତି ପାଇଛି । ଏହି ଫେଡେରେସନରେ ଭାରତ ସହ ମୋଟ ୯୪ଟି ଦେଶ ସାମିଲ ଅଛନ୍ତି ।