ସାଇକେଲିଂ ଚମ୍ପିଆନସିପ: ରୌପ୍ୟରେ ଅଭିଯାନ ଶେଷ କଲେ ସ୍ବାତୀ

ସୋମବାର ନୂଆ ଜାତୀୟ ରେକର୍ଡ ସହ ଓଡିଶାର ଷ୍ଟାର ସାଇକେଲିଷ୍ଟ ସ୍ବାତୀ ସିଂହ ଏଲିଟ ମହିଳା 3000 ମିଟର ବ୍ୟକ୍ତିଗତ ବର୍ଗରେ ସ୍ବର୍ଣ୍ଣ ପଦକ ଜିତିଥିଲେ । ଅଧିକ ପଢନ୍ତୁ...

ଭୁବନେଶ୍ବର:72ତମ ସିନିୟର ନ୍ୟାସନାଲ ଟ୍ରାକ ସାଇକେଲିଂ ଚମ୍ପିଆନସିପରେ ଓଡିଶା ଝିଅ ସ୍ବାତୀଙ୍କ ଦମଦାର ପ୍ରଦର୍ଶନ । ମଙ୍ଗଳବାର ରାଜ୍ୟ ପାଇଁ ପୁଣି ଏକ ପଦକ ଜିତିଛନ୍ତି ସ୍ବାତୀ ସିଂହ ।

ପୂର୍ବରୁ ଓଡିଶାର ଷ୍ଟାର ସାଇକେଲିଷ୍ଟ ସ୍ବାତୀ ସିଂହ ଏଲିଟ ମହିଳା 3000 ମିଟର ବ୍ୟକ୍ତିଗତ ବର୍ଗରେ ସ୍ବର୍ଣ୍ଣ ପଦକ ଜିତିଥିଲେ ।ସୋମବାର 3000 ମିଟର ବ୍ୟକ୍ତିଗତ ବର୍ଗ ପ୍ରତିଯୋଗିତାରେ 4:05.547 ସମୟରେ ପହଞ୍ଚି ନୂଆ ଜାତୀୟ ରେକର୍ଡର ଅଧିକାରୀ ହୋଇଥିଲେ ।

ମଙ୍ଗଳବାର 20 କିଲୋମିଟର ପଏଣ୍ଟ ରେସ୍‌ ପ୍ରତିଯୋଗିତାରେ ମଧ୍ୟ ରୌପ୍ୟ ପଦକ ଜିତିଛନ୍ତି । ହାଇଦ୍ରାବାଦରେ ଜାରି ରହିଥିବା ଏହି ମେଗା ପ୍ରତିଯୋଗିତାରେ ଏହା ସ୍ବାତୀଙ୍କ ତୃତୀୟ ପଦକ ବିଜୟ । ପୂର୍ବରୁ ଗୋଟିଏ ରୌପ୍ୟ ଓ ସ୍ବର୍ଣ୍ଣ ପଦକ ହାସଲ କରିସାରିଛନ୍ତି ସ୍ବାତୀ । ଫଳରେ ଦୁଇଟି ରୌପ୍ୟ ଓ ଗୋଟିଏ ସ୍ବର୍ଣ୍ଣ ପଦକ ସମେତ ମୋଟ 3ଟି ପଦକରେ ସାଇକେଲିଂ ଚମ୍ପିଆନସିପରେ ଅଭିଯାନ ଶେଷ କରିଛନ୍ତି ସ୍ବାତୀ ।

ବ୍ୟୁରୋ ରିପୋର୍ଟ, ଇଟିଭି ଭାରତ