ହାଇଦ୍ରାବାଦ: ଆରମ୍ଭ ହାଇସାରିଛି ବର୍ମିଂହାମ ରାଜ୍ୟଗୋଷ୍ଠୀ କ୍ରୀଡା 2022 ପାଇଁ କାଉଣ୍ଟଡାଉନ(Commonwealth Games 2022) । ଭାରତୀୟ କମନୱେଲ୍ଥ ବ୍ୟାଡ୍ମିଣ୍ଟନ ଟିମ ଆଜି(ଜୁଲାଇ 25) ରାଜୀବଗାନ୍ଧୀ ଅନ୍ତର୍ଜାତୀୟ ବିମାନବନ୍ଦର ହାଇଦ୍ରାବାଦରୁ ବର୍ମିଂହାମ ଅଭିମୁଖେ ଉଡାଣ ଭରିଛନ୍ତି । ସେଥିପାଇଁ ଭାରତୀୟ କ୍ରୀଡା ପ୍ରାଧୀକରଣ(SAI) ବ୍ୟାଡ୍ମିଣ୍ଟନ ଟିମ ଇଣ୍ଡିଆ ପାଇଁ ହାଇଦ୍ରାବାଦ ବିମାନବନ୍ଦରରେ Send-off କାର୍ଯ୍ୟକ୍ରମର ଆଯୋଜନ କରିଥିଲା । ରାଜ୍ୟଗୋଷ୍ଠୀ କ୍ରୀଡା 2022 (CWG) ଜୁଲାଇ 28ରୁ ଅଗଷ୍ଟ 8 ପର୍ଯ୍ୟନ୍ତ ବର୍ମିଂହାମରେ ଖେଳାଯିବା ନେଇ ସୂଚୀ ରହିଛି ।
ସ୍ପୋର୍ଟ୍ସ ଅଥରିଟି ଅଫ ଇଣ୍ଡିଆ ବ୍ୟାଡ୍ମିଣ୍ଟନ ଟିମକୁ ଶୁଭେଚ୍ଛା ଜଣାଇ ବିଜୟକାମନା କରିଛି । 10 ସଦସ୍ୟ ବିଶିଷ୍ଟ ବ୍ୟାଡମିଣ୍ଟନ ଟିମ ବର୍ମିଂହାମ ଅଭିମୁଖେ ଉଡାଣ ଭରିଛନ୍ତି । ହାଇଦ୍ରାବାଦରେ ବ୍ୟାଡମିଣ୍ଟନ ଆସୋସିଏସନ ଅଫ୍ ଇଣ୍ଡିଆ ଜୁଲାଇ 18ରୁ 24 ମଧ୍ୟରେ ଯୁଗ୍ମ ଅଭ୍ୟାସ ସେସନର ଆୟୋଜନ କରିଥିଲା । ମହିଳା ବର୍ଗରେ ଦୁଇ ଥରର ଅଲମ୍ପିକ ପଦକ ବିଜେତା ପିଭି ସିନ୍ଧୁଙ୍କ ନେତୃତ୍ବରେ ଭାରତୀୟ ଟିମ ଶକ୍ତିଶାଳୀ ରହିଛି । ଟିମରେ ରହିଛନ୍ତି, ଆକର୍ଷି କଶ୍ୟପ, ତ୍ରେଷା ଜଲି, ଗାୟତ୍ରୀ ପି ଓ ଅଶ୍ବିନି ପୋନାପ୍ପା ।