କଟକ: ଉଦ୍ଯାପିତ ହୋଇଯାଇଛି 21ତମ ରାଜ୍ୟଗୋଷ୍ଟୀ ଟେବୁଲ ଟେନିସ୍ ଚାମ୍ପିଅନସିପ୍ । ଦୀର୍ଘ 6 ଦିନ ଧରି ସ୍ଥାନୀୟ ଜବାହରଲାଲ ନେହରୁ ଇନଡୋର୍ ଷ୍ଟାଡିୟମରେ ଚାଲିଥିବା ଏହି ପ୍ରତିଯୋଗିତାର ଶେଷ ହୋଇଛି । ଉଦ୍ଯାପନୀ ଉତ୍ସବରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯୋଗ ଦେଇ ବିଜୟୀ ଖେଳାଳିଙ୍କୁ ପୁରସ୍କୃତ କରିଛନ୍ତି ।
ଭିଡିଓ ସୌଜନ୍ୟ- ସମ୍ବାଦଦାତା, କଟକ
ତେବେ ଶେଷ ଦିନରେ ମଧ୍ୟ ଚାମ୍ପିଅନସିପ୍ରେ ଭାରତୀୟ ଖେଳାଳିଙ୍କ ଜଲୱା ଦେଖିବାକୁ ମିଳିଥିଲା । 7ଟିରୁ 7ଟି ସ୍ବର୍ଣ୍ଣ ପଦକ ହାତେଇଛନ୍ତି ଭାରତୀୟ ଖେଳାଳି । ଖେଳାଯାଇଥିବା ଶେଷ ଇଭେଣ୍ଟ ମହିଳା ସିଙ୍ଗଲ୍ସରେ ଆଇକା ମୁଖାର୍ଜୀ ଚାମ୍ପିଅନ ହୋଇ ସ୍ବର୍ଣ୍ଣ ପଦକ ହାତେଇଛନ୍ତି। ମାଧୁରିକା ପାଟକରଙ୍କୁ ରୌପ୍ୟରେ ସନ୍ତୁଷ୍ଟ ହେବାକୁ ପଡିଛି ।
ଅନ୍ୟପଟେ ସେହିପରି ପୁରୁଷ ସିଙ୍ଗିଲରେ ଭାରତର ହରମିତ୍ ଦେଶାଇ ଚାମ୍ପିଆନ ସ୍ବର୍ଣ୍ଣ ଜିତିଛନ୍ତି । ସେହିପରି ଜୀ ସାଥିଆନଙ୍କୁ ରୌପ୍ୟରେ ସନ୍ତୁଷ୍ଟ ରହିବାକୁ ପଡିଛି ।