ନୂଆଦିଲ୍ଲୀ: ଗୁରୁବାର ମେରି କମ ନିଜ ଅବସର ନେଇ ଦେଇଛନ୍ତି ସୂଚନା । ଆଗାମୀ ବର୍ଷ ଟୋକିଓ ଅଲମ୍ପିକ ପରେ ମେରିକମ୍ ନେବେ ଅବସର । କିନ୍ତୁ ନିଜ କ୍ୟାରିୟରର ଶୀର୍ଷରେ ରହି ଦେଶ ପାଇଁ ସ୍ବର୍ଣ୍ଣ ଜିତି ସେ ସନ୍ନ୍ୟାସ ନେବାକୁ ଚାହାଁନ୍ତି । ସେ ଆହୁରି ମଧ୍ୟ, କହିଛନ୍ତି ଯେ 48 କିଲୋଗ୍ରାମରୁ 51 କିଲୋଗ୍ରାମ ବର୍ଗକୁ ବଦଳି କରିବା ତାଙ୍କ ପାଇଁ ନୂଆ କଥା ନୁହେଁ । କାରଣ ସେ ଅନେକ ସମୟରେ ଏପରି କରିସାରିଛନ୍ତି ।
‘‘2020 ପରେ ମୁଁ ବୋଧହୁଏ ଅବସର ନେବି । ଏତେ ସମୟ ଧରି ଅନ୍ୟ କୌଣସି ଖେଳାଳି ନିଜ କ୍ୟାରିୟରରେ ଏହି ଖେଳକୁ ଖେଳିପାରିବେ ବୋଲି କହିଛନ୍ତି 6 ଥର ୱାର୍ଲ୍ଡ ଚାମ୍ପିୟନ ମେରି । 36 ବର୍ଷୀୟ ମେରି କହିଛନ୍ତି, ତାଙ୍କର ଲକ୍ଷ୍ୟ ସବୁବେଳେ ଦେଶ ପାଇଁ ପଦକ ଜିତିବା । ‘‘ଯେତେବେଳେ ବି ମୁଁ ମୋ ଦେଶ ପାଇଁ ଖେଳେ, ମୋର ଚେଷ୍ଟା ସବୁବେଳେ ସ୍ବର୍ଣ୍ଣ ଜିତିବାର ଥାଏ ।