ନୂଆଦିଲ୍ଲୀ:ଏସୀୟ କ୍ରୀଡାରେ ଭାରତୀୟ ମହିଳା ହକି ଦଳ ଦମଦାର ପ୍ରଦର୍ଶନ କରିଛି । ସିଙ୍ଗାପୁର ବିପକ୍ଷ ପ୍ରଥମ ମ୍ୟାଚରେ ବିଜୟରୁ ଅଭିଯାନ ଆରମ୍ଭ କରିଛି ଭାରତୀୟ ମହିଳା ହକି ଦଳ । ଗୋଲ ପରେ ଗୋଲ ବର୍ଷା କରିଥିଲେ ଭାରତୀୟ ମହିଳା ହକି ତାରକା । ସିଙ୍ଗାପୁର 16-0 ଗୋଲରେ ପରାସ୍ତ ହୋଇଛି । 4ଟି କ୍ବାର୍ଟରରେ ଆଧିପତ୍ୟ ବିସ୍ତାର କରି ବିଜୟ ହାସଲ କରିଛି ଦଳ । ସଙ୍ଗୀତା କୁମାରୀ ଏହି ମ୍ୟାଚରେ ଷ୍ଟାରଥିଲେ । ସେ ହ୍ୟାଟ୍ରିକ 3ଟି ଗୋଲ ସ୍କୋର କରିଥିଲେ ।
ପ୍ରଥମ ମ୍ୟାଚରେ ଭାରତ ଆରମ୍ଭରୁ ଶେଷ ଯାଏ ଆଧିପତ୍ୟ ବିସ୍ତାର କରିଥିଲା । ଗୋଲ ପରେ ଗୋଲ ବର୍ଷା କରିଥିଲା । ସିଙ୍ଗାପୁର ଖେଳାଳିଙ୍କ ଟେନସନ ବଢିଯାଇଥିବା । ମ୍ୟାଚର ଷଷ୍ଠ ମିନିଟରେ ଉଦିତ୍ୟା ଗୋଲ ସ୍କୋର କରିଥିଲେ । 8ମ ମିନିଟରେ ସୁଶୀଳା ଓ 11ତମ ମିନିଟରେ ଦୀପିକା ଗୋଲ ସ୍କୋର କରି ଦଳକୁ 3-0ରେ ଆଗୁଆ କରିଥିଲେ । 13ତମ ଓ 14 ତମ ମିନିଟରେ ନବନୀତ କୌର ଦୁଇଟି ଗୋଲ ସ୍କୋର କରିଥିଲେ । ପ୍ରଥମ କ୍ବାର୍ଟରରେ ଭାରତ 5-0 ଗୋଲରେ ଆଗୁଆ ଥିଲା । ଦ୍ବିତୀୟ କ୍ବାର୍ଟର 17 ତମ ମିନିଟରେ ଦୀପ ଗ୍ରେସ ଏକ୍କା ଆଉ ଏକ ଗୋଲ କରିଥିଲେ । ପେନାଲ୍ଚି କର୍ଣ୍ଣରକୁ ଏକ ଗୋଲରେ ପରିଣତ କରିଥିଲେ । 19 ତମ ମିନିଟରେ ନେହା ଆଉ ଏକ ଗୋଲ ଦେଇ ଦଳକୁ ଆଗୁଆ କରିଥିଲେ । ସିଙ୍ଗାପୁର ଖାତା ଖୋଲି ପାରି ନଥିଲେ ।
ମ୍ୟାଚର 23, 47 ଓ 53 ମିନିଟରେ ସଙ୍ଗୀତା କୁମାରୀ 3ଟି ଗୋଲ କରିଥିଲେ । 35 ତମ ମିନିଟରେ ସଲିମା ଟେଟେ, 52 ତମ ମିନିଟରେ ମୋନିକା ଓ 56 ତମ ମିନିଟରେ ବନ୍ଦନା କାଟାରିୟା ଗୋଲ ସ୍କୋର କରିଥିଲେ । ଭାରତ ଏକତରଫା ବିଜୟ ହାସଲ କରି ନେଇଛି । ପରବର୍ତୀ ମ୍ୟାଚରେ ଭାରତ ମାଲେସିଆ ମଧ୍ୟରେ ମୁକାବିଲା ହେବ ।